Bötersen
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 19,85 km² | |
| Inwahners: | 1.071 (31. Dezember 2007) | |
| Inwahnerdicht: | 54 Inwahners pro km² | |
| Hööchd: | 34 m över de See | |
| Postleettall: | 27367 | |
| Vörwahl: | 04268 | |
| Geograafsche Laag: | Koordinaten:53° 8′ N, 9° 19′ O53° 8′ N, 9° 19′ O |
|
| Gemeenslötel: | 03 3 57 005 | |
| Öörd in de Gemeen: | 3 | |
| Börgermeester: | Hermann Holsten (CDU) | |
| Websteed: | www.boetersen.de | |
Bötersen is en Oort un Gemeen in de Samtgemeen Söttmer vun’n Landkreis Rodenborg (Wümm) in Neddersassen. De Gemeen ümfaat de dree Oortsdelen Bötersen, Höperhöfen un Jeerhoff.
Inholtsverteken |
[ännern] Geografie
De Gemeen Bötersen liggt twüschen de Öörd Söttmer un Rodenborg (Wümm) und grenzt in’n Noorden, Oosten un Süüden an Rodenborg (Wümm). In’n Süüdwesten slutt de Gemeen Hassendörp an, un in’n Westen liggt de Gemeen Reeßen. An de Verkehrsweeg hett Bötersen goden Ansluss.
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
De öllsten Funnen in de Gemeen seggt, dat dat Rebeet vun de Gemeen al siet dat Neolithikum (Jungsteentiet) ruchweg af 4.100 v. Chr. bewahnt weer. Bi Boarbeiten is 1966 en olle Füersteed freeleggt worrn. Gröttere archäoloogsche Utgraven hebbt en Urnengraffsteed ut de jüngeren Bronzetiet un ölleren vörröömschen Iesentiet an’n Dag bröcht un blangeto en Füersteed, de as Ritualsteed för Gräffnissen deent hebben künn. Dör dissen Fund is Bötersen överregional bekannt worrn.
De Oort duukt dat eerste mol 1358 in en Oorkunnen op. Dat weer en Koopverdrag, in den en Harm Schulte dat Goot Bötersen an Arp von Weyhe verköff. De Naamsstamm kummt vun dat oolthoochdüütsche „Buten“ oder „Putirik“, wat Slauch bedüüt. Üm 1770 rüm hett sik de Naam in Boitersen wannelt, wobi de Ennen -sen dorop hendüüt, dat de Oort, as dat den vundaag gifft twüschen 500 un 1000 grünnt worrn is.
[ännern] Politik
[ännern] Gemeenraat
De Gemeenraat vun Bötersen sett sik ut ölven Liddmaten tosamen, de vun twee Parteien afordent sünd. Siet de letzten Kommunalwahl 2011 sünd de Sitten as folgt verdeelt:
| Partei | 2011 | 2006 |
| CDU | 6 | 7 |
| SPD | 5 | 4 |
[ännern] Börgermeester
De Börgermeester Hermann Holsten kummt ut de CDU.
| Johren | Börgermeester | Partei |
|---|---|---|
| ?-2010 | Manfred Wernecke | CDU |
| 2010 bet nu | Hermann Holsten | CDU |
[ännern] Wapen
Dat Wapen vun Bötersen besteiht ut en golden Schild, dat böven as Schildhööft en fiefflammigen Füerstripen opwiest un dorünner dree oprecht stahn Sechen (Ploogschoren). De Füerstriepen schall op en Füersteed ut de Bronzetiet henwiesen, de in Bötersen utgraavt worrn is. De dree swarte Ploogschoren staht för de dree Oortsdelen, ut de de Gemeen tohopensett is.
[ännern] Kultur
[ännern] Bildung
In Bötersen gifft dat en Grundschool un för de noch lütteren Kinner ok en Kinnergoorn. För allgemeen Intresseerte steiht de Samtgemeenbökeree praat.
[ännern] Verenen un Veranstalten
För dat kulturelle Leven in de Freetiet gifft dat en reeg vun Mööglichkeiten. In Bötersen un in Höperhöfen gifft dat Oortsverenen vun de Freewilligen Füerwehr un vun beide Dörper tohopen den Schüttenvereen Bötersen-Höperhöfen vun 1927 e.V.. För den Sport gifft dat butendem den TSV Bötersen.
Över’t Johr kann een ok eenige regelmatige festliche Veranstalten besöken. Dat geiht an’n eersten Sünnavend in’n Januar mit dat „Eiersöken“ los, wat dat siet 2005 ok för Froonslüüd gifft, denn aver an’n Sünndag. An’n Avend gifft dat den traditschonellen „Fastnachtsball“. Anfang April finnt in Bötersen jümmer en Slagballspeel statt.
Jümmer dat drüdde Wekenenn in’n Mai is in Bötersen dat Schüttenfest, dat mit’n groden Ümtog dör dat Dörp afhollen warrt. Dat „Backavenfest“ is an’n eersten Juli-Sünndag. Dor waart in’n 200 Johr ollen Lehmaven Botterkoken un Broot backt. De Heimatvereen Boitzter Spinnstuv laadt dorto ok to Dansvörföhren in. Un an’n drüdden Wekenenn in’n September warrt in Höperhöfen traditschonell dat Oornfest veranstalt.
[ännern] Verkehr
Bötersen is teemlich goot an de grötteren Verkehrsweeg anslaten. Dör de Gemeen sülvst löpt de K 202, de de beiden Oortdelen Bötersen un Höperhöfen mitenanne verbinnt. Jeerhoff kann dorgegen blots över lütte Nevenstrecken anföhrt warrn. En kort Stück na Süüden to münnt de Kreisstraat in de B 75, de Söttmer un Rodenborg (Wümm) verbinnen deit. In de annere Richt löpt de K 202 na Taaken in de Gemeen Reeßum. Achter Söttmer besteiht över de B 75 bi Stuckenborstel ok Ansluss an de A 1. Kort vör Rodenborg twiegt ok de B 71 af, de wieter na Zeven föhrt un dorbi mit de Anslusssteed Bockel ok wedder’n Verbinnen na de A 1 dorstellt.
Ok na de Iesenbahn is dat nich so wiet: Söttmer hett en Bahnhof, de an de Hööftstreck Bremen–Hamborg liggt.
[ännern] Websteden
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
