Kanton Rodenborg

De Kanton Rodenborg weer as Kanton en Verwaltungsrebeed in de Franzosentied (1810-1813). De Seet weer Rodenborg.

Historie[ännern | Bornkood ännern]

Dat Rebeed weer vörher Deel von de Hertogdömer Veern un Bremen (Kurförstendom Hannover) un hett dor to de Ämter Rodenborg un Zeven höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Rodenborg een von de Kantons in’n Distrikt Veern von dat Departement von de Elv- un Wersermünn. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Rodenborg weer nu een von de ölven Kantons, ut de de Distrikt Bremen in dat Departement von de Wersermünnen tohoopsett weer.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.

De Kanton harr 6828 Inwahners^[1] un weer indeelt in dree Mairien:

Footnoten[ännern | Bornkood ännern]

↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98

Kantons in’n Distrikt Veern (Königriek Westfalen, 1810–1811)

Kantons in’n Distrikt Bremen (Kaiserriek Frankriek, 1811–1813)

[1] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98

[1]