Atomare Masseneenheit

Vun Wikipedia
Wesseln na: Navigatschoon, Söök

De Atomare Masseneenheit (kott för vereenheitlichte atomare Masseneenheit) is een Maateenheit för de Masse, de in de Chemie un in de Physik bruukt warrt, üm de Massen von Atomen un Molekülen antogeven.

De atomare Masseneenheit warrt mit dat Teken u schreven oder ok mit amu (ut engl.: atomic mass unit). In de anglo-amerikaanschen Länner warrt faken dat Dalton verwendt statt dat u, wat an sik dat sülve is, weil 1 Da = 1 amu is.

Bit 1961 weer de atomare Masseneenheit as 1/16 vun een Suerstoffatom fastleggt. Man dat geev en Differenz twüschen de chemische Definitschoon (de sik op dat natürlich vörkommende Isotopenverhältnis betöög) un de physikalsche Definitschoon (de vun dat Isotop 16O utgüng), wat denn to de vereenheitlichte Definitschoon föhrt hett, de hüüt verwendt warrt. De oole Weert wiekt en beten wat af vun denn niegen:

1\;\mathrm{u_{(nieg)}} = 1{,}000\,317\,9\;\mathrm{amu_{(oolt, phys.)}} = 1{,}000\,043\;\mathrm{amu_{(oolt, chem.)}}

De Differenz geiht torüch op den Massendefekt, de bi Suerstoff anners utfallt as bi den Kohlenstoff, de hüüt as Betogssystem gellt. Dorno is vundaag de atomare Masseneenheit defineert as 1/12 vun dat Kohlenstoff-Isotop 12C, un dormit is u de Kehrweert vun de Avogadrotall. De Weert is hüüt:

1\;\mathrm{u_{SI}} = 1{,}660\,538\,782\,(83) \cdot 10^{-27}\;\mathrm{kg} (na CODATA, November 2006)
1\;\mathrm{u_{cgs}} = 1{,}660\,538\,782\,(83) \cdot 10^{-24}\;\mathrm{g} (na CODATA, November 2006)
1\;\mathrm{kg} = 6{,}022 \cdot 10^{26}\;\mathrm{u}
1\;\mathrm{g} = 6{,}022 \cdot 10^{23}\;\mathrm{u}