Anna Führing

Vun Wikipedia
Wesseln na: Navigatschoon, Söök
Anna Führing as Germania, 1892

Anna Führing (* 6. März 1866 in Hamborg; † 2. November 1929 in Berlin) weer en düütsch Schauspelerin. Bekannt wurr se vör allen dordör, dat se för de Germania-Breefmarken vun dat Düütsch Riek Modell stahn hett.

Anna Führing, Dochter vun den Hamborger Theaterbesitter un Wertsmann Carl Führing, harr in Berlin en klassisch Schauspeelutbillen kreegen. Besünners faken stell se in Bühnenstücken de Germania dor, so ok 1891 in’n Rahmen vun en Festspeel in Düsseldörp in’t Biwesen vun Kaiser Wilhelms II.

1892 is Anna Führing to’t Apenmaken vun dat Theaters am Schiffbauerdamm in Berlin, in dat hüüd dat Berliner Ensemble beheimaat is, in de Rull vun de Iphigenie uptreden.

En Germania-Breefmark

Neben hör eegentlich Tätigkeit as Bühnendorstellerin is Anna Führing över de Johren ok in eenig Filmen uptreden:

  • Hausdame aus bester Familie gesucht (1915, as Anna von Strantz-Führing)
  • Ein Held des Unterseebootes (1915, as Anna von Strantz-Führing)
  • Nacht und Morgen (1916)
  • Das schöne Abenteuer (1924)
  • Eine kleine Freundin braucht ein jeder Mann (1927)
  • Ossi hat die Hosen an (1928, as Baronin Strantz-Führing)

Verheiraadt weer Anna Führing mit de 45 Johr ölleren Hoffoperndirekter von Berlin, Ferdinand von Strantz († 1909), de hör schauspelerisch Karriere fördert hett.

Literatur[ännern | Bornkood ännern]

  • Carl Thinius: Damals in St. Pauli - Lust und Freude in der Vorstadt. Verlag Hans Christians, 1975, ISBN 3-7672-0368-5

Weblenken[ännern | Bornkood ännern]