Andrea Petković

Vun Wikipedia
Wesseln na: Navigatschoon, Söök
Andrea Petković 2009 bi de US Open

Andrea Petković (kyrillisch: Андреа Петковић) (* 9. September 1987 in Tuzla, SR Bosnien und Herzegowina, Jugoslawien) is en düütsch Tennisspelerin. Se wahnt in Griesheim bi Darmstadt.

In hör Loopbahn hett se bitlang twee WTA-Turniere in't Eenzel, 2009 in Bad Gastein un 2011 in Straßburg wunnen. Buterdem kunn se acht Eenzel un dree Düppeltitel bi ITF-Turnieren up hör Naam schrieven. 2007 un 2009 wurr se Düütsch Tennismeester.

To de prominenst Spelerinnen, de see bither besiegt hett, tellen Jelena Dokić (2009 in Bukarest un 2011 in Brisbane), Daniela Hantuchová (2010 in Brisbane), Ana Ivanović (2003 bi de Australian Open vun de Juniorinnen un 2010 in 's-Hertogenbosch), Swetlana Kusnezowa (2009 un 2010 in Tokio), Nadja Petrowa (US Open 2010) un Marion Bartoli (2011 in Brisbane). In dat Achtelfinale vun de Australian Open wunn se 2011 gegen de ehmalige Titelgewinnerin vun dit Grand-Slam-Turnier, Marija Scharapowa, blots Weeken later in Miami ok de dormalige Weltranglisteneerste Caroline Wozniacki. 2013 kunn se in de eerst Runn bi de China Open Wiktoryja Asaranka slahn.

Loopbahn[ännern | Bornkood ännern]

Kindheit un Jöögd[ännern | Bornkood ännern]

As se söss Maand olt weer, is hör Familie nah Düütschland utwannert. Andrea Petković, Dochter vun en bosnisch Serben un en Bosniakin (Vader: Zoran, Moder: Amira), kreeg 2001 de düütsch Staatsbörgerschap. In dat Öller vun söss Johren fung se mit den Tennissport an. De Initiative gung vun hör Vader ut, en ehmalger Tennisprofi, de to disse Tiet as Trainer in en Tennisclub in Darmstadt tätig weer.

In' Mai 2004 wunn se in Antalya hör eerst ITF-Turnier. Dornah folgen Siege in Podgorica (2004), Davos un Alphen aan den Rijn (jeweils 2005) un in Sofia (September 2006).

2007[ännern | Bornkood ännern]

In' April 2007 wurr vun de düütsch Teamchefin Barbara Rittner eerstmals för den Fed Cup in Fürth gegen Kroatien haalt. Dor keem se in't Düppel an de Siet vun Tatjana Malek to'n Insatz; hör Sieg gegen de Paarung Jelena Kostanić Tošić un Sanja Ančić (6:3, 6:7, 6:3) verhulp Düütschland to en 4:1-Sieg.

Bi den French Open nehm sie to'n eersten Mal an en Grand-Slam-Turnier deel un schaff dor ahn Satzverlust de Qualifikatschoon för dat Hööftfeld. Dör en 4:6, 6:3, 6:3-Sieg över Jarmila Groth reck se de tweet Runn, wo se gegen de latere Wimbledon-Finalistin Marion Bartoli mit 6:0, 2:6, 3:6 verlor. In' Juli wunn Petković in Contrexéville (50.000 $) hör sösste ITF-Turnier. Dormit stunn se an' 30. Juli 2007 eerstmals ünner de Top 100 vun de Tennis-Weltranglist. Bi de US Open weer se eerstmals för dat Hööftfeld vun en Grand-Slam-Turniers qualifizeert. Ok dor reck se nah en Sieg (6:4, 6:1) över de US-Amerikanerin Audra Cohen de tweet Runn, in de se gegen Lucie Šafářová mit 3:6 un 3:6 verlor.

In' Dezember 2007 wurr se to'n eersten Mal Düütsch Meesterin, as se in dat Finale in Biberach Julia Görges mit 7:5, 6:7, 6:4 slahn dee.

Andrea Petković, Positschoon bi'n Return

2008[ännern | Bornkood ännern]

An' 15. Januar 2008 hett se in de eerst Runn vun de Australian Open in dat Match tegen Anna Tschakwetadse all nah twee Minüüt en Küüuzbandreet erleeden. Se muss dornah meest acht Maand en Paus maken un full bit up en Platz över 400 vun de Weltranglist torüch. An' 1. September 2008 in Maribor hett se hör eerst Turnier nah de Besehren bestreeden un kunn sück bit to dat Johrsenn' ünner annern dör en Turniersieg bi dat mit 25.000 $ doteert ITF-Turnier in Istanbul weer bit up Platz 315 vörarbeiten.

2009[ännern | Bornkood ännern]

Anfang vun dat Johr kunn Petković dank en Protected Ranking an de Australian Open deelnehmen. Nah en Sieg gegen Kathrin Wörle keem se in de tweet Runnd, verlor dor aber gegen Alizé Cornet. Mehr Spood harr se up ITF-Turnieren; an' 10. Mai 2009 wunn se bispeelswies den Titel bi dat mit 100.000 $ doteert ITF-Turnier in Bukarest. In't Halffinale besieg se dorbi de Australierin Jelena Dokić un mell sück bit Juni weer torüch ünner de Top 100 vun de WTA-Weltranglist.

An' 26. Juli wunn Petković in Bad Gastein ehrn eersten Titel up de WTA Tour. Up den Weg in't Finale, dat se gegen Ioana Raluca Olaru mit 6:2, 6:3 wunn, hett se dorbi ünner annern Iveta Benešová, Anna-Lena Grönefeld un de Kasachin Jaroslawa Schwedowa slahn. Buterdem reck se tosommen mit Tatjana Malek dat Finale vun de Düppelkonkurrenz. In de folgen Week reck Petković dat Halffinale vun dat WTA Turnier in Istanbul. Dor verlor se gegen Lucie Hradecká (WTA 56) knapp mit 7:6, 5:7, 5:7.

An' 3. August 2009 reck se mit Nummer 52 hör bit dorhen best Platzeeren in de WTA-Ranglist. Bi dat WTA-Turnier vun Tokio keem Petković över de Qualifikatschoon bit in't Achtelfinale, wo se gegen Agnieszka Radwańska knapp in dree Satzen verlor. In de Loop vun dit Tuernier hett se dorbi ünner annern Swetlana Kusnezowa slahn, hör eerst Sieg över en aktuelle Top 10-Spelerin. In Offenburg wurr se in' Dezember to'n tweeten Mal Düütsch Meesterin.

Petković bi'n Service

2010[ännern | Bornkood ännern]

Hör eerst Turnier speel se 2010 in Brisbane. Dor reck se nah Siege över Iveta Benešová (6:7, 6:2, 6:1), Vania King (4:6, 6:2, 6:1) un Daniela Hantuchová (6:4, 6:2) dat Halffinale, wo se gegen de latere Turniersiegerin Kim Clijsters mit 4:6, 2:6 ünnerleegen weer. Dormit hörr se aber to'n eersten Mal to de Top 50 vun de WTA-Weltrangliste. Bi de Australian Open floog se in de tweet Runn gegen Carla Suárez Navarro rut. In' Februar speel se in't Veertelfinale vun den Fed Cup gegen de Tschechisch Republiek in Brünn eerstmals as Nummer een vun dat Team twee Eenzel, kunn aber nah eegen Utsaag den Druck nich standhollen un verlor beid Spelen.

In de dorupfolgen Week keem se in Paris mit Siege över Katarina Srebotnik un de an Nummer 5 sett Aravane Rezaï in't Veertelfinale, wo se gegen Jelena Dementjewa mit 6:3, 4:6, 2:6 verlor. Bi de French Open reck Petković dör en Sieg över Jelena Wesnina de tweet Runn, wo se gegen de Titelverteidigerin Swetlana Kusnezowa 6:4, 5:7, 4:6 utscheeden dee, nahdem se bi den Stand vun 6:4, 5:4 dree Matchbälle vergeven harr. Twee Week later bi dat Rasenturnier in ’s-Hertogenbosch reck se hör tweet Finale up de WTA-Tour. Up den Weg dorhen besieg se ünner annern Ana Ivanović. In't Finale muss se sück Justine Henin blots knapp mit 6:3, 3:6, 4:6 slahn geven. In Wimbledon keem se över de eerste Runn nicht herut.

Nahdem hör Vörbereiten up de US Open wenig spoodriek verloopen weer, kunn se aber jüst dor hör bitlang best Ergevnis bi de Grand-Slam-Turnier halen. Nah Siege över de an Nummer 17 sett Russin Nadja Petrowa (6:2, 4:6, 7:6), Bethanie Mattek-Sands (3:6, 6:3, 7:5) und Peng Shuai (walkover) stunn se in't Achtelfinale, wo se gegen de latere Finalistin Wera Swonarjowa verlor.

2011[ännern | Bornkood ännern]

2011 fung goot an för Petković: In Australien keem se bi dat WTA-Johresuptaktturnier in Brisbane bit in't Finale, verlor dor aber düütlich gegen Petra Kvitová. Bi de Australian Open gung se as Nr. 30 an den Start un reck hör best Ergevnis bi en Grand-Slam-Turnier (ünner annern dör en Sieg över Marija Scharapowa) mit den Intoog in dat Veertelfinale, wo se denn aber an de Chinesin Li Na 2:6, 4:6 scheitern dee. In de Hallen vun Paris reck se dat Veertelfinale (se wunn gegen Angelique Kerber un Kristína Kučová), wo se Bethanie Mattek-Sands in dree Satzen verlor. In Dubai floog se all in de tweet Runn in dree Satzen gegen Kaia Kanepi herut. Bi dat groot WTA-Event in Indian Wells weer in de darte Runn Sluss (Tweesatznedderlaag gegen Marion Bartoli). Bi dat Turnier in Miami kunn Petković as eerste Düütsche siet Steffi Graf bi de French Open en Weltranglistenerste slahn.[1] In't Achtelfinale wunn se gegen Caroline Wozniacki mit 7:5, 3:6, 6:3 un in't Veertelfinale dwung se ok de ehmalge Weltranglistenerste Jelena Janković mit 2:6, 6:2 un 6:4, bevör sück in dat Halffinale Maria Scharapowa bi dat 6:3, 0:6 un 2:6 starker weer. Dormit keem aber Petković eerstmals in hör Loopbahn ünner de best 20 vun de Welt (Rang 19).

In dat Fed Cup-Playoff gegen de USA wunn se hör beid Eenzel jeweils in twee Satzen (6:3, 6:4 gegen Christina McHale as ok 6:2, 6:3 gegen Melanie Oudin). Düütschland wunn de Begegnung düütlich mit 5:0 un steeg weer in de eerste Weltgrupp up.[2] Kört dornah reck se weer mit en Dreesatz-Erfolg över Jelena Janković bi dat WTA-Turnier in Stuttgart dat Veertelfinale, verlor aber dat Halffinale gegen Caroline Wozniacki. Bi de Turniere in Madrid un Rom is se jeweils in de tweet Runn utscheeden. Se hett den lütten Deepunkt denn aber in Straßburg överwunnen, wo se en Week vör de French Open hör tweeten Titel up de WTA Tour halen dee. Allerdings muss hör Endspeelgegnerin, Marion Bartoli, dat Match wegen en Verletzung upgeven.

Bi de French Open truck Petković to'n tweeten Mal in Folg in dat Veertelfinale vun en Grand-Slam-Turnier in, verlor dor aber klor gegen Marija Scharapowa mit 0:6 un 3:6. In Wimbledon keem se nah Siege över Stéphanie Foretz Gacon (6:3, 6:4) und Stéphanie Dubois (6:3, 4:6, 6:3) in de darte Runn, wo se denn aber gegen de 20-johrige Russin Xenia Perwak (Nr. 89 vun de Weltranglist) unverwacht mit 4:6, 6:7 verlor. Bi dat WTA-Turnier in San Diego is se in't Halffinale gegen Agnieszka Radwańska mit 6:4, 0:6 un 4:6 utscheeden, har dor aber mit de Folgen vun en licht Levensmiddelvergiften to kämpen. Nah hör goot Ergevnisse stunn se eerstmals - wenn ok tonächst blots för een Week – ünner de Top Ten vun de WTA-Weltranglist. In dat Veertelfinale vun Toronto verlor se gegen Radwańska (4:6, 3:6) ok dat veerte Match gegen de poolsche Spelerin.

In New York keem se mit Siege över Jekaterina Bytschkowa, Jie Zheng, Roberta Vinci un Carla Suarez Navarro eerstmals in't Veertelfinale vun de US Open, wo de Weltranglistenerste Caroline Wozniacki hör aber in den Tiebreak vun den tweeten Satz mit 7:5 to'n Endergevnis vun 6:1, 7:6 daalringen kunn. Bi dat ansluutend Turnier in Peking truck Petković nah to'n Deel eng Matches gegen Šafářová, Suárez Navarro, Bartoli un Pawljutschenkowa as ok en glatt 6:2, 6:0 över de rumäänsch Spelerin Monica Niculescu sogor in't Finale in, wo se de Chance, hör dart WTA-Turnier to winnen, aber nich bruuken kunn. Se verlor ok to'n fievten Mal gegen Radwańska mit 5:7, 6:0, 4:6, wobi se in den letzten Satz en Break to'n 5:3 verpassen dee.

2012[ännern | Bornkood ännern]

Nah dat WTA Turnier in Sydney wurr in' Januar bi Petković en Ermödensbröök in' Iliosakralgelenk in' ünneren Beriek vun den Rügg faststellt, so dat se de Australian Open afseggen muss.[3]

Nah mehr as dree Maand Verletzungspaus is Petković bi dat Turnier in Stuttgart antreden. In de Achtelfinalbegegnung gegen de Weltranglisteneerste Wiktoryja Asaranka musst se bi den Stand vun 2:6, 4:4 verletzungsbedingt upgeven, nahdem se ümknickt weer. Dorbi harr se sück en düppelten Bänderreet totrucken, de opereert wurrn muss un en wiedere lang Verletzungspaus to Folge harr.[4] Anfang Juni kunn Petković mit de Reha anfangen un streev an Deelnahm an de Olympisch Spelen in London an.[5] An' 18. Juli muss se hör Deelnahm wegen de Verletzung denn aber doch afseggen.

An' 20. August fier Petković bi dat Hartplatzturnier in New Haven hör nochmalig Comeback, bi de se in de eerst Runn Tímea Babos mit 6:3, 5:7 un 7:5 slahn kunn.

Bi hör Debüt bi den Hopman Cup an' 29. Dezember 2012 geev dat den nächsten Rückslag. Bi den Stand vun 6:4 in de Partie gegen Ashleigh Barty muss se weer mit en Kneeverletzung upgeven.[6] An nächsten Dag stell sück denn herut, dat de Binnenmeniskus reeten weer.[7] De Australian Open un den Fed Cup in' Februar muss se doruphen afseggen.[8] [9]

2013[ännern | Bornkood ännern]

Bi dat WTA-Turnier vun Indian Wells geev Petković hör Comeback. Se verlor aber hör Match in de Qualifikationsrunn gegen Mónica Puig mit 6:72 un 3:6. Twee Week later stunn se dank en Wildcard in dat Hööftfeld vun de Sony Open Tennis in Miami. Hier keem se bit in de dart Runn un is dor gegen Ajla Tomljanović utscheeden. Wiel hör Weltranglistenplatz noch nich to de direkte Deelnehm an de French Open recken dee, kunn se blots över de Qualifikatschoon in’t Hööftfeld kommen. Dor verlor se in de tweet Runn aber gegen Zhou Yi-Miao ut China mit 7:61, 6:72 un 4:6. Nahdem se ok in dat Daamendüppel vun de French Open in de eerst Runn utscheeden weer, speel se dat 100.000$-ITF-Turnier in Marseille, dat se mit en Finalsieg vun 6:4 un 6:2 över Anabel Medina Garrigues wunn.[10] In de dorup folgen Week kunn se bi dat WTA-Turnier in Nürnbarg hör goot Form bestätigten. Eerst in't Finale muss se süch Simona Halep mit 3:6 un 3:6 slahn geven.

För Wimbledon kreeg Petković vun den Veranstalter en Wildcard. Nah en Sieg över Pauline Parmentier is se denn aber in de tweet Runn mit 6:72, 6:2 un 6:8 an Sloane Stephens scheitert.

An' 17. September is se as up Nr. 7 sett Spelerin bi de Korea Open in de eerst Runn gegen Francesca Schiavone rutflagen. Een Week later keem se bi Toray Pan Pacific Open nah en Eerstrunnsieg gegen Jelena Wesnina ok blots een Runn wieder un verlor weer gegen Simona Halep, de an Nr. 13 sett weer. Enn' vun dan Maand nahm se an de China Open deel. Dorbi kunn se de an Nr. 2 sett Titelverteedigerin Wiktoryja Asaranka in de eerst Runn un Swetlana Kusnezowa in de tweet Runn slahn, verlor denn aber in de darte Runn gegen Lucie Šafářová mit 4–6, 7–6(7–4), 6–7(2–7).

Training[ännern | Bornkood ännern]

Andrea Petković wurr to'n Anfang vun hör Karriere vun hör Vader Zoran Petković traineert, de för Jugoslawien in' Davis Cup speelt hett. Bit Oktober 2010 hett hör buterdem Glen Schaap ünnerstütt, de to de US Open 2010 vun Petar Popović aflööst wurr. Neben dat Techniktraining sett se in' Fitnessberiek up den Argentinier Juan Bernardo Carberol, de ok Rainer Schüttler to Siet stunn.[11] Siet 2011 traineert Petković in de vun Rainer Schüttler un Alexander Waske grünnd Schüttler Waske Tennis-University.

Anners wat[ännern | Bornkood ännern]

In' Fröhjahr 2006 hett Petković an de Georg-Büchner-School in Darmstadt, wo se de elfte Klass översprungen hett,[12] dat Abitur mit en Notensnitt vun 1,2 maakt.[1][12] As Tennisprofi studeert se nebenher Politikwetenschap an de Feernuniversität in Hagen.[1]

In unregelmaatig Afstännen bericht se up de Websteed vun de FAZ över hör Leven un hör Belevnisse up den Tennisplatz.

Nah en verloren Wette mit hör Trainer Petar Popović bi de US Open 2010 hett se den „Petko-Dance“ to hör Markenteeken maakt. Nah en wunnen Match präsenteer se kört en paar Danzträen, um sück vun dat Publikum to verafscheeden. Wiel dat aber to Irritatschonen führt hett, hett se dat Ritual aber ok weer upgeven.[13]

Wat se schafft hett[ännern | Bornkood ännern]

Eenzel[ännern | Bornkood ännern]

Turniersiege[ännern | Bornkood ännern]

Nr. Datum Turnier Kategorie Belag Finalgegnerin Ergevnis
1. 26. Juli 2009 Bad Gastein WTA International Sand Ioana Raluca Olaru 6:2, 6:3
2. 21. Mai 2011 Straßburg WTA International Sand Marion Bartoli 6:4, 1:0 Upgaav

Finaldeelnahmen[ännern | Bornkood ännern]

Nr. Datum Turnier Kategorie Belag Finalgegnerin Ergevnis
1. 19. Juni 2010 ’s-Hertogenbosch WTA International Rasen Justine Henin 6:3, 3:6, 4:6
2. 9. Januar 2011 Brisbane WTA International Hart Petra Kvitová 1:6, 3:6
3. 9. Oktober 2011 Peking WTA Premier Mandatory Hart Agnieszka Radwańska 5:7, 6:0, 4:6
4. 15. Juni 2013 Nürnbarg WTA International Sand Simona Halep 3:6, 3:6
5. 4. August 2013 Washington D.C. WTA International Hart Magdaléna Rybáriková 4:6, 6:72

Afsnieden bi Grand-Slam-Turnieren[ännern | Bornkood ännern]

Eenzel[ännern | Bornkood ännern]

Turnier 2007 2008 2009 2010 2011 2012 2013 Bilanz Karriere
Australian Open 1 2 2 VF 6:4 VF
French Open 2 2 VF 6:3 VF
Wimbledon 1 3 2 3:3 3
US Open 2 1 AF VF 1 1 8:6 VF
Grand-Slam-Bilanz 2:2 0:1 1:2 5:4 14:4 0:1 1:2 23:16

Düppel[ännern | Bornkood ännern]

Turnier 2007 2008 2009 2010 2011 2012 2013 Bilanz Karriere
Australian Open 1 1 0:2 1
French Open 1 AF 1 3:3 AF
Wimbledon 1 1 2 2 2:4 2
US Open 2 1 2 1 1 2:5 2
Grand-Slam-Bilanz 1:3 0:4 5:4 0:1 1:2 7:14


Utteknungen[ännern | Bornkood ännern]

2011:

Weblenken[ännern | Bornkood ännern]

Commons-logo.svg Andrea Petkovic. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. 1,0 1,1 1,2 http://www.sportschau.de/sp/tennis/news201103/29/petkovic.jsp, Petkovic fühlt sich reif für die Top Ten, Nach Sieg gegen Wozniacki, vun Christian Mixa, Westdeutscher Rundfunk Köln, sportschau.de|, 23. März 2011/ Archiv: http://www.webcitation.org/5xy8evOGD van' 15. April 2011
  2. Petkovic küsst das Damentennis aus dem Dornröschenschlaf
  3. Stressfraktur im Rücken: Petkovic sagt Melbourne ab
  4. WTA: Petkovic erfolgreich operiert
  5. [1], Petkovic kann mit der Reha beginnen, Axel Springer AG, van' 11. Juni 2012, afropen an' 6. Juni 2012
  6. Knieverletzung stoppt Petković
  7. Petkovic withdraws from Hyundai Hopman Cup 2013
  8. Petkovic sagt Australian Open ab (afropen vun sport1.de an' 2. Januar 2013)
  9. Andrea Petkovic sagt Australian Open ab (afropen vun sportschau.de an' 2. Januar 2013)
  10. $100,000 Marseille ITF-Turniersiet
  11. http://sport.t-online.de/andrea-petkovic-mit-neuem-trainer-in-die-weltspitze/id_43410212/index, Petkovic: "Will mein Tennis auf ein neues Level heben" , Deutsche Telekom AG (dpa) , van' 11. November 2010
  12. 12,0 12,1 http://andreapetkovic.de/downloads/ap_mannheimer_morgen.pdf%7Ctitel=„Man muss sich einen Panzer anlegen“, Christian Rotter, Mannheimer Morgen, Siet 11, van 18. November 2009, http://www.webcitation.org/5xy98m8vJ 15. April 2011 (Archiv), pdf 687 kB
  13. http://www.focus.de/sport/tennis/tennis-petkovic-bedauert-irritationen-ueber-petko-dance_aid_615107.html], Petkovic bedauert Irritationen über „Petko-Dance“, Focus online van' 4. April 2011, afropen an' 11. Juni 2012