Äthiopien

Vun Wikipedia
Wesseln na: Navigatschoon, Söök
የኢትዮጵያ ፌዴራላዊ ዲሞክራሲያዊ ሪፐብሊክ (Amhaarsch)
yä-Ityoṗṗya Fädäralawi Dimokrasiyawi Ripäblik (In use Bookstaven)
Flagg vun Demokraatsche Bundrepublik Äthiopien Wapen vun Demokraatsche Bundrepublik Äthiopien
(Flagg) (Wapen)
Wahlspröök: keen Motto
Natschonalhymne: Wädäfit Gäsgeshi Wudd Ennate Ityop’ya
Woneem liggt Demokraatsche Bundrepublik Äthiopien
Hööftstadt Addis Abeba
9° 02′ N, 38° 44′ O
Gröttste Stadt Addis Abeba
Amtsspraak Amhaarsch
Regeren
Präsident
Premierminister
Demokraatsche Bundsrepublik
Girma Woldegiorgis
Meles Zenawi
Grött
 • Allens
 • Water (%)
 
1.127.127 km²
? %
Inwahnertall
 • 2008 afschätzt
 • Inwahnerdicht
 
78.254.090 (Quelle: CIA 2008)
72/km²
Geldsoort Äthioopsch Birr ([[ISO 4217|]])
BBP $ (2008)

1.346 $ je Kopp

Tietrebeet UTC+3 (UTC+3)
Internet-TLD .et
ISO 3166 ET
Vörwahl ++251
Koort vun dat Land

Äthiopien (vun greeksch Αιθιοπία, tosamensett ut oolgreeksch αίθαλο=aíthalo - dat Sottene, Sottfarvene un οψ=ops - dat Antlaat, amharisch Ityop'iya, fröher ok Abessinien) is en Land in Afrika. De Nahwerlänner sünd Eritrea, de Sudan, Kenia, Somalia un Dschibuti. Natschonalfierdag is de 18. Mai, de Dag vun de Nedderlaag vun de Mengistu-Regime 1991. In Äthiopien leevt 78.254.090 Inwahners up 1.127.127 km². Dor is dat dat teintgröttste Land in Afrika mit un is bi dreemol so groot, as Düütschland.

Inwahners[ännern | Bornkood ännern]

Dat gröttste Volk in Äthiopien sünd de Oromo (fröher ok „Galla“ nömmt). Se maakt bi 40 % vun de Inwahners ut un höört to'n Islam to, man ok to de Äthioopsch-Orthodoxe Karken. Bi 20-30% vun de Inwahners sünd Amharen, bi 10% sünd Tigray. De Amharen sünd lange Tied as dat „Staatsvolk“ vun Äthiopien ankeken wurrn. Tohopen mit de Tigray sünd se tomeist Christen un höört to de Orthodoxe Karken to. Denn gifft dat noch bi 10% Wolaita, 7% Sidama, 6% Somali, 6% Gumuz, 4% Afar, 3 % Gurage un 1% Agaw. Bavenhen kümmt dor noch en Rege lüttjere Völker to.

Spraken[ännern | Bornkood ännern]

Amtsspraak is Amhaarsch. As Muddersprake snackt dat bi 17 Millionen Lüde. Man in dat Land weert mehr as 80 Spraken snackt. Oromo mit 24-25 Mio. Snackers is dor de Gröttste vun.

Religion[ännern | Bornkood ännern]

De akraaten Tallen sünd ümstreden, man ungefähr gifft dat in Äthiopien bi 40-45% orthodoxe Christen, 30-45% Muslimen un bi 10% Protestanten.

Historie[ännern | Bornkood ännern]

Ok in dat Tiedöller vun den Kolonialismus is Äthiopien nie nich en Kolonie vun en vun de Mächt ut Europa ween. Bit 1974 weer Äthiopien en Kaiserriek. De leste Kaiser is Haile Selassie ween. In't 19. Johrhunnert un denn wedder unner Mussolini hefft de Italieners versöcht, dat Land in to nehmen, man sunnerlich veel is dor nich vun wurrn. Man unner Mussolini is Addis Abeba innahmen wurrn un dor is en Völkermord utöövt wurrn, wo bi 700.000 Minschen bi umkamen sünd. Dat weern dormols bi 10% vun de Inwahners.