Zgierz
| Zgierz | |
 |
 |
| Basisdaten | |
|---|---|
| Staat: | Polen |
| Woiwodschop: | Łódź |
| Landkreis: | Zgierz |
| Inwahners: | 58.164 (2007) |
| Flach: | 42,33 km² |
| Stadtrecht: | 1244 |
| Hööch: | 200 m över NN |
| Postleettall: | 95-100 |
| Telefonvörwahl: | (+48) 42 |
| Geografsche Laag: | 51° 51′ N, 19° 25′ E |
| Auto-Kennteken: | EZG |
| Websteed: | www.umz.zgierz.pl |
Zgierz is en middelgrote Kreisstadt in Zentralpolen. Se liggt in de Woiwodschap Lodz in dat Daal vun den Bzura-Stroom. In dat Johr 2007 leven 58.164 Inwahners in de Stadt.
Industrie un Weertschap
[ännern | Bornkood ännern]In Zgierz gifft dat allerhand wichtige Industrie, as Maschinenbo un Textilindustrie, cheemsche, Bo- un Elektroindustrie. 57% vun de Inwahners, de arbeiden könnt, sünd hüdigendags in dat Rebeet vun de Deenstleisten togange. 5.000 Bedrieven sünd in de Stadt inschreven, dormank 2.000 Een-Mann-Ünnernehmen.
Glöven
[ännern | Bornkood ännern]Bi 90 % vun de Inwahners vun Zgierz sünd röömsch-kathoolsch. Man in de Stadt gifft dat noch Karken vun allerhand annere Gemeenden. Alltohopen gifft dat düsse Karkboten, wo se sik in drapen könnt:
- fiev röömsch-kathoolsche Karken
- een Evangeelsch-Augsborgsche Kark
- een Ooltkathoolsche Kark
- een Adventisten-Kark
- een Baptisten-Kark
- een Mormonen-Kark
- een Kark vun Jehova sien Tügen. Babenhen gifft dat noch Liddmaten vun de Greeksch-Orthodoxe Kark un vun de Reformeerte Kark in de Stadt, man dat sünd bloß so'n poor, de höört nah de Gemeenden in Lodz to.
Weblenken
[ännern | Bornkood ännern]
- Zgierz (poolsch)
Biller
[ännern | Bornkood ännern]
Kathoolsche Kark St. Kathrien
Panorama Zgierz
Swemmbad vun de Stadt Zgierz (1926 boot worrn)
Weverhüüs
