Worauf wir abfahren

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Worauf wir abfahren
Düütsch Titel: Worauf wir abfahren
Produkschoonsland: Düütschland
Johr vun’t Rutkamen: 1987
Läng: 8 Minuten
Originalspraak: Düütsch
Filmkru
Speelbaas: Detlev Buck
Dreihbook: Detlev Buck
Kamera: Detlev Buck
Dorstellers
Asphaltarbeiters vun de
Firma Reh & Co.

Worauf wir abfahren (op plattdüütsch so veel as „Woneem wi op affohren doot!“) is de Titel vun en Dokumentarfilm vun Detlev Buck ut dat Johr 1987.

Inholt[ännern | Bornkood ännern]

De Film wiest Stratenboers bi jemehr Arbeit, en Stück slechte Straat apentorieten un nee to maken. Toeerst warrt mit Maschienen de olle Belag wegreten und de Bosteed denn rein maakt. Dorna warrt wiest, woans de ne’e Asphalt op de Steed opbröcht un glatt streken warrt. In den helen Film warrt nich snackt, een höört blots de inspeelten Luden vun de verscheden Maschienen un Arbeitsvörgäng as ok vun Autos, de vörbi fohren doot.

Produkschoon[ännern | Bornkood ännern]

De Kortfilm vun Buck is in’n Rahmen vun en Seminararbeit an de dffb entstahn. In dat Seminar mit Ryszard Lenczewski güng dat dorüm, de Studenten den Ümgang mit de Filmkamera to wiesen un woans man dormit ümgahn kann. Se schülln lehren, dat de Kamera nich ennerworrns rümsteiht, man, dat een dormit vele verschedene Saken maken kann[1]. Buck hett dat Filmmaterial mit en Handkamera in ruchweg fief Stünnen opnahmen un dorbi meist allns filmt, wat dat op de Bosteed to kieken geev[1]. De Lüüd höörn to de Stratenbo-Firma Reh & Co. Dat Ünnernehmen, dat sien Sitt in Berlin-Spandau harr hett in’n Fröhjor 1997 dicht maakt[2]. Dat fardige Wark weer op de Internatschonalen Hofer Filmdaag to’n eersten mol vörstellt.

Borns[ännern | Bornkood ännern]

  1. a b Vörwoort vun Detlev Buck in’t Bonusmaterial vun de DVD: Buck-Box(2006)
  2. 108jähriges Spandauer Traditionsunternehmen im Straßenbau macht Ende März endgültig dicht: Bei Reh & Co gehen die Asphaltkocher aus, Bericht in de Berliner Zeitung vun’n 4. Februar 1997; afropen an’n 25. September 2014

Websteed[ännern | Bornkood ännern]