Wolterdingen
Dit Woort hett noch annere Bedüden: kiek dorför ünner Woltern.
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 1.650 (31. Dezember 2012) | |
| Postleettall: | 78166 | |
| Vörwahl: | 07705 | |
| Geograafsche Laag: | Koordinaten:47° 58′ N, 8° 25′ O47° 58′ N, 8° 25′ O | |
|
| ||
Wolterdingen is en Dörp in de Gemeen Donaueschingen in’n Schwarzwald-Baar-Kreis, Baden-Württemberg.
Geografie
[ännern | Bornkood ännern]De Oort liggt an’n Oostrand von’n Schwarzwald an de Breg. Bi Wolterdingen münnt ok de Wolfsbach in de Breg.
De Naveröörd sünd Tannheim in’n Noorden, Überauchen, Klengen un Grüningen in’n Noordoosten, Aufen un Donaueschingen in’n Süüdoosten, Bruggen, Bräunlingen un Waldhausen in’n Süden, Hubertshofen un Mistelbrunn in’n Süüdwesten un Zindelstein un Hammereisenbach in’n Noordwesten.
Historie
[ännern | Bornkood ännern]Wolterdingen kummt 772 as Wuldartingas toeerst in de Oorkunnen vör.
In’n Eersten Weltkrieg sünd 41 Soldaten ut Wolterdingen fullen oder vermisst un in’n Tweten Weltkrieg 103.[1]
Von 2006 bet 2012 is dat Hoogwatertrügghollbecken Wolterdingen anleggt worrn, dat de Sekerheit bi Hoogwater an de Breg verbetern schall.
Verwaltungsgeschicht
[ännern | Bornkood ännern]De Oort hett fröher to dat Bezirksamt Donaueschingen un den Landkreis Donaueschingen höört un is 1973 Deel von’n Schwarzwald-Baar-Kreis worrn.
De Oort weer fröher en egen Gemeen. An’n 1. Dezember 1971 is Wolterdingen Deel von de Gemeen Donaueschingen worrn. Binnen de Gemeen billt de Oort nu en polietsche Oortschop mit egen Oortschopsraad un Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1910[2] | 697 |
| 1933[3] | 807 |
| 1939[3] | 806 |
Religion
[ännern | Bornkood ännern]Wolterdingen is Kathoolsch präägt un hett mit de St.-Kilianskark en egen Goddshuus, dat vonddaag aver Deel von de Seelsorgeenheit Donaueschingen is.
För de evangeelsch-luthersch is de Christus-Kark in Donaueschingen tostännig.
De Karkhoff von’n Oort liggt an de Kirchbühlstraße.
Wapen
[ännern | Bornkood ännern]Dat Wapen von dat Dörp wiest op gollen Grund en rood Watermöhlenrad.
Oortsvörsteihers
[ännern | Bornkood ännern]- opstunns (Stand 2017): Reinhard Müller
Kultur
[ännern | Bornkood ännern]Gedenktafeln för de Fullenen ut de twee Weltkrieg’ hängt in Wolterdingen op’n Karkhoff.
Sport warrt in’n FC 1920 Wolterdingen bedreven.
Weertschop un Infrastruktur
[ännern | Bornkood ännern]Wolterdingen hett en egene freewillige Füürwehr, de an’n 15. Juli 1865 grünnt worrn is.
Dat Dörp hett en egen Grundschool un siet 1982 en Freebad.
Verkehr
[ännern | Bornkood ännern]Dör Wolterdingen loopt de Landsstraten L 180 un L 181. De L 180 geiht in’n Noordwesten na Hammereisenbach un in Kaltenherberg an de Bundsstraat 500 ran un in’n Süüdoosten na Donaueschingen un bet an de B 27/B 33. De L 181 föhrt in’n Noorden över Tannheim un Pfaffenweiler na Villingen un in’n Süüdoosten na Bräunlingen un Hüfingen. Von de L 181 na Westen geiht de Kreisstraat 5736 af, de na Hubertshofen un Bubenbach löppt.
De nächste Autobahn is de Autobahn 864. De Opfohrt 1 Donaueschingen liggt so twölv Kilometer in’n Noordoosten von Wolterdingen an de B 27/B 33. De A 864 föhrt as Tobringer an de Autobahn 81 ran.
De nächste gröttere Bahnhoff is so bi söven Kilometer wied weg in’n Süüdoosten de Bahnhoff Donaueschingen an de Badener Schwarzwaldbahn un an de Höllentalbahn. De beiden lüttjeren Bahnhööv an de Schwarzwaldbahn in Aufen un Grüningen sünd blots good fiev Kilometer weg.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ http://www.gemeindeverzeichnis.de/gem1900/gem1900.htm?baden/donaueschingen.htm
- ↑ a b http://www.verwaltungsgeschichte.de/donaueschingen.html
Weblenken
[ännern | Bornkood ännern]
- Websteed över dat Dörp (hoochdüütsch)