Wolfgang Lindow

Vun Wikipedia
Zur Navigation springen Zur Suche springen

Wolfgang Lindow (* 20. Dezember 1932 in Griepenbarg an de Reej; † 30. März 2020 in Bremen[1]) weer en düütschen Germanisten un Volkskunnigen.

Leven un Wark[ännern | Bornkood ännern]

Lindow is in Achterpommern boren. 1938 is he mit siene Ollern umtagen na Vörpommern. Vun 1939 bet 1945 hett he Scholen in Barth un Griepswoold besöcht. 1945 is he mit siene Familie na Mölln flücht. Bet 1954 hett he denn de Loonbörgsche Gelehrtenschool in Ratzborg besöcht un dor dat Abitur maakt. 1954 bet 1960 studeer he Historie, Volkskunn un Germanistik (dor speel Plattdüütsch en grode Rull bi). 1960 hett he an de Universität Kiel över dat Thema Volkstümliches Sprachgut in der neuniederdeutschen Dialektdichtung sien Dokter maakt. 1961 keem denn dat Staatsexamen in Düütsch, Nedderdüütsch un Volkskunn. 1957 bet 1975 hett he as wetenschoplichen Mitarbeider bi de Nedderdüütsche Afdelen vun de Universität Kiel mitmaakt. Dor weer he tomeist mit dat Middelnedderdüütsche Wöörbook togange. 1974 bet 1997 hett he de Geschäften vun dat INS in Bremen föhrt. He hettv al 1975 de Baasdörper Krönk vun Friedrich Ernst Peters rutgahn laten. Ok mit dat „Plattdüütsch-Hoochdüütsche Wöörbook“ hett he sik befaat. Tohopen mit Claus Schuppenhauer hett he de Plattdüütschen Narichten vun Radio Bremen up’n Weg bröcht. Lindow hett toletzt in Bremen leevt.

Footnoten[ännern | Bornkood ännern]

  1. Gedenkseite von Wolfgang Lindow. In: Weser-Kurier. (düütsch).