Wilhelm Stülten

Vun Wikipedia
Zur Navigation springen Zur Suche springen

Wilhelm Stülten (* 26. November 1902 in Bützfleet; † 10. Februar 1972 in Stood) weer en düütschen Politiker von de Düütsche Partei (DP).

Stülten is 1902 as Söhn von en Buur in Bützfleet boren. He weer dor von 1908 bet 1917 op de Volksschool un hett denn von 1917 bet 1920 in Olenbrook en Lehr as Detailkoopmann in de Textilbranche maakt. För dree Johr weer he denn op de Hannelsschool. Von 1920 bet 1924 hett he as koopmännschen Gehülp in Mekelborg un Pommern arbeidt un von 1924 bet 1935 sülvstännig as Enkelthannelskoopmann. Von 1935 af an hett he en Groothannel för Kort- un Poppeerworen in Stood bedreven. Stülten weer Maat von’n Vörstand von de Industrie- un Hannelskamer Stood. Ok bi’n Groothannelsbund Neddersassen in Hannover weer he in’n Vörstand.

Nadem de Sozialistische Riekspartei 1952 verbaden worrn is, müss de Afornte Franz Kewer sien Mandaat in’n Landdag von Neddersassen afgeven. An’n 17. April 1953 is Stülten denn as Nafolger von Kewer in’n Landdag intagen un bet an dat Enn von de 2. Wahlperiood an’n 5. Mai 1955 Afornten bleven. He weer in de Frakschoon von de Nedderdüütsche Union, in de sik von 1951 bet 1955 CDU un DP tohoopslaten harrn.

Literatur[ännern | Bornkood ännern]

  • Barbara Simon: Abgeordnete in Niedersachsen 1946–1994. Biographisches Handbuch. 1996, Sied 374