Franz Kewer

Vun Wikipedia
Zur Navigation springen Zur Suche springen

Franz Kewer (* 1. Januar 1908 in Guttstadt; † 10. Juni 1967 in Hüfingen) weer en düütschen Politiker von de SRP.

Kewer is 1908 in Guttstadt boren. He weer op dat Gymnasium un hett na de School ünner annern ok butenlanns arbeidt. He hett Studienfohrten na’t Butenland maakt un as sülvstännigen Dentist arbeidt. Von 1933 af hett he en en Reeg Ämter un Ehrenämter in de Kommunalverwaltung von Heilsberg in Oostprüßen övernahmen, ünner annern as Raadsherr, Stadtverornten, Afornten in’n Kreisdag un Kreisutschuss un Kreisdeputeerten in’n Landkreis Heilsberg. Von dor is he in’n Januar 1945 flücht un hett sik na’n Tweten Weltkrieg in Neddersassen dallaten.

Kewer is lange Johren in de NSDAP ween.[1]

Von’n 6. Mai 1951 bet 23. Oktober 1952 (twete Wahlperiood) weer he för den Wahlkreis Bremervöör Maat von’n Landdag von Neddersassen. He hett dor bet 8. Mai 1952 to de SRP-Frakschoon höört un hett denn bet to’n 1. Juli 1952 to keen Frakschoon höört. Von’n 1. Juli 1952 bet 23. Oktober 1952 weer he denn in de Frakschoon von de Afornten Dr. Schrieber un Genossen. Nadem de SRP dör en Oordeel von dat Bundsverfatensgericht von’n 23. Oktober 1952 verbaden worrn is, is sien Mandaat jüst as de von all de annern SRP-Afornten wegfullen (BVerfGE 2, 1).[2]

Footnoten[ännern | Bornkood ännern]

  1. Henning Hansen: Die Sozialistische Reichspartei (SRP) : Aufstieg und Scheitern einer sozialistischen Partei. Droste, Düsseldorf 2007
  2. Oordeel von dat BVerfG (BVerfGE 2, 1 – SRP-Verbot) op de Websteed von dat Institut för öffentlich Recht an de Universität Bern