Wilhelm Nikolaus Freudentheil
Wilhelm Nikolaus Freudentheil (* 5. Juni 1771 in Stood; † 7. März 1853 in Hamborg) weer en düütschen Theoloog un Pädagoog.
Freudentheil is 1771 as Söhn von en borene Kuhnemund un den Koopmann Gottlieb Christoph Freudentheil in Stood boren.[1] Sien Broder weer Gottlieb Wilhelm Freudentheil.[1] De Familie weer jöödsch,[1] Freudentheil hett aver den lutherschen Glöven annahmen. Von Oostern 1778 af an weer he op dat Athenaeum Stood un is 1786 an dat Johanneum Hamborg wesselt.[1] An’n 28. April 1789 hett he sik an de Universität Göttingen inschreven un dor Philosophie un Theologie studeert.[1]
Na dat Studium is he 1792 Schoolmeester för ole Litteratur un Geschicht an de School von Christian Rudolf Karl Wichmann in Celle worrn.[1] An’n 3. Oktober 1796 is he as Subrekter an dat Athenaeum Stood wesselt.[1] Dor is he 1805 Kunrekter worrn un 1809 Rekter.[1] Dat is he bet 1814 bleven. He weer toletzt ok intermistisch Garnisonspreddiger in Stood.[1] 1814 is he Pastoor von de Bartholomäus-Kark in Mittelskark worrn un an’n 7. April 1816 as Diaken an de Nikolai-Kark na Hamborg gahn.[1] Later is he dor Archidiaken worrn un an’n 21. Juni 1828 Pastoor an dat Hillig-Geist-Spital.[1]
An’n 21. Juni 1841 hett he von de Universität Göttingen en Ehrendokter kregen.[1] Bi’n Hamborger Stadtbrand 1842 sünd siene Wahnung un siene Bökersammlung mit verbrennt.[1]
He hett an’n 6. November 1800 Anna Catharina Lülmann freet.[1][2]
Footnoten
[ännern | Bornkood ännern]- ↑ a b c d e f g h i j k l m n Eduard Emil Koch: Geschichte des Kirchenlieds und Kirchengesanges der christlichen, insbesondere der deutschen evangelischen Kirche. C. Belser, 1853, Sied 327f
- ↑ Wilhelm Jensen: Die hamburgische Kirche und ihre Geistlichen seit der Reformation.] J.J. Augustin, 1958, Sied 92