Wilfried Bellmann
| Wilfried Bellmann | ||
| Personen-Informatschoonen | ||
|---|---|---|
| Boortsdag | 1964 | |
| Boortsstell | Varrel (Landkreis Deefholt) | |
| Natschoonalität | Düütsch | |
| Kunnig för | Schriever | |
| Arbeid | Mitarbeider Gemeen Stuhr Nu: Penschoon | |
Wilfried Bellmann (* 1952 in Varrel bi Deefholt[1]) is een plattdüütschen Schriever, de in Moordiek leevt un gemeensam mit siene Fru Silke Bellmann plattdüütsche Geschichten schrivt.[2]
Bellamann is 1952 in Varrel up de Welt komen un is 1968 anfungen bi de Gemeen Stuhr in’n neddersassischen Landkreis Deefholt to arbeiden.[1] 1974 gung he na de Marine un was 15 Maanden lang Feernschriever in Glücksborg un Flensborg.[1] He engageert sik in’n Schüttenvereen Stuhr un is mit Silke Bellmann verheiraad, de ook bi de Gemeen Stuhr arbeid.[1][3] 1997 het Bellmann sien eerst plattdüütsch Geschichten- un Dööntjesbook in’n Sülvstverlag ruutbrocht. 2001 hebbt de beiden Ehlüüd gemeensam een plattdüütsch Book ruutbrocht. 2018 is he Penschoon gaan.[1]
Bellmann un siene Fru sind grote Fans vun de hoog- un plattdüütsche Band Godewind un hebbt an de 300 Konzerte besöcht. De Band schall de Ehlüüd Bellmann ook andreven hebben Platt to leren, so dat de beiden enen plattdüütschen Spraakkurs bi de Schrieversche Anneliese Kiehne-Tecklenburg up de Volkshoogschool in Varrel besöcht hebbt.[4] Ook de Titel vun sienen eersten Book Moin, moin leve Lüüd nimt Betog op een Leed vun de Band Godewind. De Band het Bellmann sien Book ook up Konzerten verkofft, so dat’t Wark ook buten de Region wat bekannt worrn is.[4] Tohope hebbt Ehlüüd an de 100 plattdüütsche Geschichten schreven un enen Deel 2001 in enen gemeensamen Book ruutbrocht. Een annern Deel vun den Vertellen un Dööntjes is in den Sammelbännen vun de Schrieverskring bi’n Kreisheimaatbund Deefholt ruutkomen.[4] Bellmann nimt regelmatig an de Schrievweddstried Vertell doch mal deel un weer jümmers wedder Jurymaat bi den Weddstried Schoolkinner leest Platt in’n Landkreis Deefholt.[5][6]
Wark
[ännern | Bornkood ännern]- Moin, moin leve Lüüd: Plattdüütsche Geschichten. - Stuhr, Sülvstverlag 1997. - 77 S. ISBN:3-0000-1736-4
- Ünner’n Regenbogen sünd wi tohuus: Plattdüütsche Geschichten, Eerstuutgaav Stuhr, Sülvstverlag, 2001. ISBN:3-00-008127-5 (Tohope mit Silke Bellmann)
Kiek ook bi
[ännern | Bornkood ännern]Weblenken
[ännern | Bornkood ännern]- Wilfried Bellmann in de Datenbank Die niederdeutsche Literatur (hoogdüütsch)
- Wilfried Bellmann up Plattmakers Black
Nawiese
[ännern | Bornkood ännern]- ↑ a b c d e Eike Wienbarg: Ein halbes Jahrhundert für Stuhr. 27. März 2018, archiveert von dat Original am 27. Juli 2024; afropen an’n 27. Juli 2024.
- ↑ Alexandra Penth: Silke und Wilfried Bellmann aus Stuhr teilen Weihnachtsgeschichten. 23. Dezember 2021, archiveert von dat Original am 24. Dezember 2021; afropen an’n 27. Juli 2024.
- ↑ Autor: Silke Bellmann. In: Die Niederdeutsche Literatur. Afropen an’n 27. Juli 2024.
- ↑ a b c Eike Wienbarg: Mitten aus dem Leben. Archiveert von dat Original am 27. Juli 2024; afropen an’n 27. Juli 2024.
- ↑ Micha Bustian: Vier fahren nach Northeim. 3. Mai 2017, archiveert von dat Original am 27. Juli 2024; afropen an’n 27. Juli 2024.
- ↑ Micha Bustian: Schwerstarbeit für die Juroren. 22. Mai 2015, archiveert von dat Original am 27. Juli 2024; afropen an’n 27. Juli 2024.