Schoolkinner leest Platt (Neddersassen)

Schoolkinner leest Platt is en Vörlees-Wettstriet, de all twee Johr de Schoolkinner utteken deit, de in Neddersassen opbest plattdüütsche Texten vördragen köönt. Dregen deit dat ganze de Stiften vun de Spoorkassen in Neddersassen. Dat gifft veermal en Utscheed, bevör de Winner faststeiht: op de School, in’n Landkreis, in’n Bezirk un denn de Landsutscheed. Alltohoop hebbt se söss Öllersgruppen: 3. Klass, 4., 5./6., 7./8. 9./10. Klass un 11. Klass un öller. 2007 weer dat dat 15. Maal.