Wiktor Michailowitsch Afanassjew

Vun Wikipedia
Afanassjew up de ISS

Wiktor Michailowitsch Afanassjew (russisch: Виктор Михайлович Афанасьев; * 31. Dezember 1948 in Brjansk, Oblast Brjansk, Russische SFSR) is en ehmalger sowjeetsch Kosmonaut.

Utbillen[ännern | Bornkood ännern]

Wiktor Afanassjew hett 1970 de 'Katschinsker Höhgere Militärflegerschool „Alexander F. Mjasnikow“ för Piloten' vun de sowjeetschen Luftstrietkräfte in Wolgograd afslooten. Dornah deen he as Kamppilot bi de [[Grupp vun de Sowjeetschen Strietkräfte in Düütschland]. Van 1976 bit 1977 wurr he as Testpilot utbillt, ansluutend weer he in disse Funktschoon an dat staatliche Floogforschungszentrum „Waleri Tschkalow“ in Achtubinsk. 1980 hett he en wqiedere Studium an dat Ordschonikidse-Luftfohrtinstitut in Moskau afslooten.

In’n Sömmer 1985 wurr he as Testpilot fär de Ruumfähre Buran utwählt, de aber nie nich to’n bemannten Insatz keem. Sien Grundutbillen as Kosmonaut hett he vun November 1985 bit Dezember 1987 dörloopen.

Afanassjew wurr denn för en Langtietmission an Bord vun de Ruumstatschoon Mir utbillt. He harr den Chancen harrt, in’n April 1989 sien eersten Ruumfloog to maken, aber de plaant Floog vun Sojus TM-8 wurr ut technisch un finanziellen Grünnen afseggt.

En latere Mission, Sojus TM-10 weer Afanassjew Ersatzmann, keem aber nich to’n Insatz. De Floog düer vun 1. August bit 10. Dezember 1990.

Ruumflüüg[ännern | Bornkood ännern]

To sien eersten Ruumfloog is Wiktor Afanassjew an‘n 2. Dezember 1990 as Kommandant vun Sojus TM-11 start. Mit an Bord weern de Floogingenieur Mussa Manarow un de japaansch Feernsehjournalist Toyohiro Akiyama, de sien Sellschopp TBS 28 Millionen Dollar för dissen Floog betallt harr. Akiyama kehr nah eenig Daag mit de bitherig Mir-Mannschap Gennadi Manakow un Gennadi Strekalow to de Eer torüch, wiels Afanassjew un Manarow an Bord vun de Mir bleeven.

Afanassjew hett in de folgend fiev Maand veer Weltruumutstiege (EVA) maakt, bi de he verscheden Arbeiten maakt hett hett. An’n 20. Mai 1991 hett Sojus TM-12 mit den Kosmonauten Anatolij Arzebarskyj, Sergei Krikaljow un de Britin Helen Sharman an de Statschoon andockt. Wiels Arzebarskyi un Krikaljow de Ruumstatschoon övernehmen, sünd Afanassjew un Manarow an‘n 26. Mai mit Helen Sharman an Bord vun Sojus TM-11 to de Eer torüchkehrt.

För den Floog vun Sojus TM-17, de an’n 1. Juli 1993 to de Mir starten dee, weer Afanassjew weer Ersatzmann, ditmal för Wassili Ziblijew.

Sien tweet Mission fung an’n 8. Januar 1994 mit den Start vun Sojus TM-18 tosommen mit Juri Ussatschow un Waleri Poljakow an. Afanassjew un Ussachow keemen nah söss Maand, an’n 9. Juli 1994, mit Sojus TM-18 weer torüch, wiels Poljakow noch wiedere negen Maand an Bord vun de Mir bleev.

Af Oktober 1996 wurr Afanassjew för sien darten Upenholt an Bord der Mir vörbereit. Tonächst weer he Ersatzmann för Talghat Mussabajew, den Kommandanten vun Sojus TM-27, de an’n 29. Januar 1998 to en söben Maand düern Upenhalt an Bord vun de Mir starten dee.

To sien darten Ruumflug to de Mir is Afanassjew an‘n 20. Februar 1999 mit Sojus TM-29 start. De beid anner Plätze an Bord vun dat Ruumschipp weern an anner Länner verköfft wurrn: ut Frankriek weer Jean-Pierre Haigneré mit an Bord un die Slowakei stell mit Ivan Bella ehrn eersen Ruumfohrer. Bella kehr nah eenig Daag in Sojus TM-28 mit den bitherigen Mir-Kommandanten Gennadi Padalka to de Eer torüch, wiels Afanasjew un Haigneré tosammen mit Sergei Awdejew an Bord vun de Mir bleeven.

Ok disse Upenholt an Bord vun de Mir düer ruch weg söss Maand. In disse Tiet hett Afanassjew dree wieder EVA’s maakt hett.

Afanassjew, Haigneré un Awdejew weern de 19. un letzte Langtietmannschap up de Mir. Nah söss Maand, an‘n 27. August 1999, hemm se de Mir up automatischen Bedriev sett, hemm mit Sojus TM-29 afkoppelt un sünd an den nächsten Dag weer up de Eer land. Dormit gung en meest 10 Johr lang düern Tiet to Enn’n, in de immer mindst een Ruumfohrer in’t All weer.

Wiktor Afanassjew harr to disse Tiet dree Ruumflüüg vun je etwa 6 Maand Düer achter sück. Mit 546 Daag in’n Weltruum stunn he dormit an dart Stäe achter Sergei Awdejew (747 Daag) un Anatoli Solowjow (651 Daag).

Nahdem de Ruumstatschoon Mir in‘n März 2001 vergleuht weer, hemm sück de russischen Ruumfohrtaktivitäten up de Internatschonale Ruumstatschoon (ISS) konzentreert, aber Afanassjew wurr dorbi nich mehr för en Langtietmission vörsehn.

De Hööftgaav vun sien veerte Mission weer, de Mannschap vun de ISS en nee Ruumschipp as Rettingsmögelkeit to leefern. An’n 21. Oktober 2001 sünd Afanassjew, Konstantin Kosejew un de Französin Claudie Haigneré mit Sojus TM-33 in Richt ISS start. Twee Daag later hemm se dor ankoppelt, wo all de darte Langtietmannschap Frank Lee Culbertson, Wladimir Deschurow un Michail Tjurin weer. An’n 30. Oktober hemm Afanassjew, Kosejew un Haigneré in Sojus TM-32 weer afkoppelt und sünd een Dag later weer up de Eer lannd.

In‘n April 2006 is Afanassjew ut Öllersgrünnen ut dat Kosmonautenkorps utscheeden. 555 Daag hett he in’n Weltruum verbrocht.

Sonstiges[ännern | Bornkood ännern]

An‘n 16. Juni 2010 wurr Afanassjew bi en Autounfall dicht bi Meschtschowsk swoor besehrt. Bi en Överhalensmanöver weer de Fohrerin mit Afanassjew sien Wolga frontal tosommenprallt. Afanassjew truck sück dorbi Knakenbröök un Gehirnbesehren to un muss in Kaluga opereert wurrn.[1]

Wiktor Afanassjew is verheiraadt un hett twee Kinner. He hett de Utteknungen Fliegerkosmonaut der UdSSR un Held der Sowjetunion kreegen.

Enkeld Nahwiesen[ännern | Bornkood ännern]

  1. Состояние пострадавшего в ДТП космонавта Афанасьева стабильно тяжелое. (Nich mehr online verföögbor.) Regnum, fröher in dat Original; afropen an’n 20. Juni 2010 (russisch).Vörlaag:Toter Link

Weblinks[ännern | Bornkood ännern]

Wiktor Afanassjew. Mehr Biller, Videos oder Audiodateien to’t Thema gifft dat bi Wikimedia Commons.