Wikipedia:Tour
Wat is dat, de Wikipedia?
[Bornkood ännern]De Wikipedia is ene Enzyklopädie oder en Nakieksel, dat nich vun ene faste, betahlte Redaktschoon schreven warrt, man vun freewillige Mitarbeiders. Se versteiht sik as free. Dat heet op de een Siet, dat se nix kösten deit, op de anner Siet aver ok, dat se neetral un unafhängig is. Butendem is se ok in de Foorm free, dat jedereen, de Lust hett, mittomaken, dat ok dröff. Aver dat wichtigste is: Wikipedia hett dat Teel, dat jedereen op de Welt fre’en Togang to dat Weten vun de Welt hett. Nüms schall de Togang to Weten verwehrt blieven, bloot ümdat he nich noog Geld hett oder de „verkehrte“ Spraak snackt.