Wikipedia:Faken stellte Fragen

Vun Wikipedia
(wiederwiest vun Wikipedia:FAQ)

Op disse Siet staht uns Antwoorten op de Fragen, de faken stellt warrt.

Allgemeen[Bornkood ännern]

Wat is de Wikipedia?[Bornkood ännern]

Wikipedia is en free Nakieksel in’t Internett, bi dat jedereen mitdoon kann. Dat Teel is Weten för jedereen verföögbor to maken.

Wokeen höört de Wikipedia to?[Bornkood ännern]

Wikipedia is eens vun mehrere Projekten vun de gemeennüttige Wikimedia Foundation, de ehren Sitt in Florida in de USA hett. Disse Stiftung höört ok all de Internett-Domänen, so as wikipedia.org, to. Vördem weren disse Domänen op de Firma Bomis indragen, vun de Jimmy Wales de Besitter is. Wales hett Wikipedia grünnt. Sietdem de Stiftung besteiht, höört aver all Domänen un wat ans noch to de Wikipedia höört, disse Stiftung to.

De Texten un Biller in de Wikipedia warrt vun de Schrievers un Fotografen ünner de GNU-FDL oder annere fre’e Lizenzen stellt, de annere Brukers verlööft, de Texten för sik to bruken, wenn se de eenfachen Regeln vun disse Lizenz, so as dat Nömen vun de Naams vun de Autoren un de Wiedergaav ünner en fre’e Lizenz, inhollen doot.

Woans köönt ji weten, ob dat allens richtig is, wat dor in de Artikels steiht?[Bornkood ännern]

Dat weet wi nich. Aver vele Brukers leest un korrigeert all de Artikels un allens wat nee schreven warrt, so dat jümmer mehr Fehlers verbetert as ne’e maakt warrt. Un wenn du di mal nich seker büst, ob dat allens stimmt, denn kannst op de Diskuschoonssiet vun de Siet oder op Wikipedia:Ik bruuk Hülp gahn un annere dor op opmarksam maken.

Technisch[Bornkood ännern]

Worüm dükert mien ne’en Artikel nich op, wenn ik dor na söken do?[Bornkood ännern]

De Söök vun Wikipedia bruukt en ganze Tiet, bet se de ne’en Artikels opnahmen hett. Dat kann mitünner Weken duern. Eenfach töven, dat ännert sik vun alleen.

Woans kann ik överhaupt en ne’en Artikel anleggen?[Bornkood ännern]

Dat gifft verschedene Mööglichkeiten:

Du giffst den Titel vun den ne’en Artikel in dat Söökfeld links in, geihst op Gah un denn klickst du baven op de Siet op den roden Lenk to dienen Titel. In dat Finster, dat denn apen geiht, kannst dienen Artikel schrieven.
Du maakt in de Adressreeg vun dienen Browser „Wikipedia:Faken stellte Fragen“ weg, schriffst dor den Titel vun dienen Artikel rin un drückst „Enter“. Bi de Siet, de denn apen geiht, kannst normal op „Ännern“ klcken un den Artikel schrieven.
Drüdde Mööglichkeit: Eenfach hier in dit Feld den Titel vun dienen Artikel ingeven: