Wikipedia:Tour/Problemen

Vun Wikipedia
Zur Navigation springen Zur Suche springen

Wat is dat, de Wikipedia?In de Wikipedia naslagenAver pass op!To’n Sluss en poor Tipps

De Wikipedia warrt nich vun betahlte Redaktören schreven. Se warrt vun Freewillige schreven, de nüms verplicht sünd. Jedereen vun all de Freewilligen kann schrieven, wat he will un woto he Lust hett. Dat hett Vördelen un ok Nadelen. To de Nadelen höört, dat jedereen dor Tüdelkraam rinschrieven kann. In böse Afsicht oder ok in gode Afsicht. De annern Autoren in de Wikipedia passt op, dat dat nich passeert, aver se markt dat nich jümmer glieks. Dorüm schöölt Lesers jümmer oppassen un sülvs ok mitdenken.

  • Lees de Artikels opmarksam. Slechte Artikels verraadt sik in’e Regel sülvs. Wenn de Artikel dörenanner is, optisch slecht utsüht un de Spraak slecht is, denn is de Inholt ok woll nich so dull.
  • Kiek di ok de Versionshistorie vun enen Artikel an, wenn du nich seker büst. Wenn dat dor dull langs geiht un hen un her, denn gifft dat woll Striet üm den Artikel un du musst oppassen. Aver ok, wenn dor man meist gor nix steiht un blots en ganz poor Versionen, de villicht ok noch all vun een Autor sünd, denn hett den Artikel villicht noch nüms dörkeken.
  • De Wikipedia is dorför dor, dat du gau wat naslagen kannst oder di gau in en Themenrebeet rinlesen. De Wikipedia is aver nich dorför dor, dat du ehr as Primärquelle bruukst. Wenn du Informatschonen för wichtige Saken bruukst, denn verlaat di nich alleen op Wikipedia!