Wikipedia:nds.wp Toolkit

Vun Wikipedia
Zur Navigation springen Zur Suche springen

Dat nds.wp Toolkit is en Grupp von Skripten, de Bruker:Slomox för de Arbeid an de plattdüütsche Wikipedia schreven hett, üm sik dat Leven lichter to maken.

nds.wp Toolkit

Warktüüg[Bornkood ännern]

Mehrdüdige Begrepen korrigeren[Bornkood ännern]

Dat Skript löppt dör Kategorie:Mehrdüdig Begreep dör un laadt sik den Text von de Sieden. Dat Skript nimmt de Sied denn in ehr Bestanddelen uteneen un sett se wedder nee tohoop. Dorbi warrt de Sieden eenheitlich formateert un Lüüd richtig sorteert. Tosätzlich warrt de Daten afgleken mit de hoochdüütsche Wikipedia. Wenn de Daten anners sünd (to’n Bispeel wenn en Person vör korte Tied doodbleven is un dat in de plattdüütsche Wikipedia noch nich in insteiht), denn föögt dat Skript de Daten to.

Wenn Lüüd op de plattdüütsche Wikipedia kumplett fehlt, denn maakt dat Skript den Vörslag, de Person totofögen.

Dat Skript maakt en Vörslag för en ne’en Text för de MB-Sied. Bevör de Vörslag afspiekert warrt, mutt dor jümmer en Person överkieken, wat de Vörslag ok sinnig is. Dat gifft veel Speziaalfäll, mit de dat Skript nich ümkann.

Links op Mehrdüdige Begrepen[Bornkood ännern]

Dat is dat sülvige as Spezial:Begriffsklärungslinks. De Ünnerscheed is blots, dat dat Skript versöcht, de Sieden ruttonehmen, bi de dat Afsicht weer, dat en Link op en Mehrdüdig Begreep (MB) sett worrn is. To’n Bispeel wiest de MB Lüer na’n MB Lühr, denn villicht is de Leser sik mit de richtige Schrievwies unseker. Un de Artikel Hellweeg wiest op de MB-Sied Hellweeg (Mehrdüdig Begreep) hen.

Dat Skript nimmt düsse Begreep rut.

Redirects von en Familiennaam op en Person[Bornkood ännern]

Dat Skript löppt dör Kategorie:Redirects von en Familiennaam op en Person dör un filtert de rut, bi de dat in annere Wikipedias Artikels gifft. Dat düüdt dor op hen, dat de Redirect beter en Mehrdüdig Begreep ween schull.