Werner Rodde

Vun Wikipedia
Zur Navigation springen Zur Suche springen

Werner Rodde (* 31. Januar 1726 in Ugodka; † 28. Oktober 1804 in Debst) weer en düütschen Pädagoog un Pastoor.

Rodde is 1726 as Söhn von Margaretha Elisabeth, borene Schoefs († 1728), un den Koopmann Kaspar Adolf Rodde (7. August 1680–19. März 1731) in Ugodka boren un keem 1732 na Narva.[1] He güng von 1739 af an in Halle na School un hett sik an’n 7. April 1744 an de Universität Halle inschreven. Na dat Studium is he 1749 Inspekter von de Latiensche School von dat Weetkinnerhuus in Halle worrn un weer denn Kunrekter an dat Gymnasium Sorau. He weer eerst von 1753 bet 1763 Rekter an dat Gymnasium Soltwedel un denn von 1764 bet 1784 Rekter von dat Athenaeum in Stood. 1784 is he as Pastoor un Proopst an de Dionysius-Kark in Debst wesselt, wat he bet to sien Dood 1804 bleven is.

He hett Charlotte Magdalena Friederike Reimann (3. Februar 1735–12. November 1784) freet.[1] De beiden harrn de Kinner Charlotte Sophie (1. Mai 1756–4. August 1834), Adolf Werner (17. März 1769—4. Februar 1837) un Jakob Bernhard (* 19. März 1773).[1][2] In twete Eh hett he denn Agnes Jacobi (12. September 1729–3. Oktober 1811) freet.[1]

Footnoten[ännern | Bornkood ännern]

  1. a b c d http://www.geni.com/people/Werner-Rodde/6000000028513495279
  2. http://gedbas.genealogy.net/person/ancestors/1150040996