Wellman Braud
Wellman Braud (* 25. Januar 1891 in St. James Parish, Louisiana ; † 29. Oktober 1966 in Los Angeles) weer en US-amerikaanisch Jazz-Bassist, vör allen bekannt as Liddmaat vun de Band vun Duke Ellington.
Leven un Wark
[ännern | Bornkood ännern]Braud stamm ut en kreoolsch Familie (de sück af un an Breaux schreev, Braud wurr dorüm „Bro“ utsprakenn) un keem in jung Johren nah New Orleans, wo Vigelien un Bass in en eegen Trio in de Storyville-Distrikt speel (all vör 1910). 1917, as de Bordelle in Storyville wegen gewalttätig Tüschenfälle mit Marineangehörigen slooten wurrn, truck he, as völ anner Jazzmusiker ok, nah Chicago. 1923 gung he nah London mit dat „Plantation Orchestra“, bi de he neben Bass ok Basuun speel.
Dornah gung he nah New York to de Band vun Wilbur Sweatman un wessel Midden 1927 to dat Duke Ellington Orchestra, as de anfung in’ Cotton Club in Harlem to spleen. Hier broch he sien Erfohrungen ut New Orleans in, insbesünnere de „slapping“ Stil vun sien Bass Speel, en wichtigen Bidrag to den dormaligen Sound vun dat Ellington Orchester. De regelmatig Radioöverdraagen vun de Band weern mit en Grund, worum de so speelt Bass tonehmend de Tuba as Rhythmusinstrument in de Danzband ersett, de aber ok vun Braud noch gelegentlich bruukt wurr.
Nahdem he bi Ellington Anfang 1935 utschett weer (worüm, weet man nich, Ellington führ aber dormals twee Bassen in sien Band in) hett Braud 1936 för en körten Tiet tosommen mit Jimmie Noone en Club in Harlem führt un nehm mit de „Spirits of Rhythm“ 1935 bit 1937 up. Dornah speel he in New York mit en eegen Grupp un mit Kaiser Marshall, Hot Lips Page un Sidney Bechet. 1944 kehr he kört to Ellington torüch. Af 1956 speel he lang mit Kid Ory. In de 1960er Johren weer he blots noch af un to as Musiker tätig.
Duke Ellington würdig de „so wichtige Rull“[1] vun sien langjohrig Bassisten mit den Titel „Portrait of Wellman Braud“, de Deel vun sien New Orleans Suite is (to hörrn up dat glieknaamig Album van 1970).
Enkeld Nahwiesen
[ännern | Bornkood ännern]- ↑ Linernotes to de New Orleans Suite vun Stanley Dance