Wellblick
As Wellblick betekent man en Plaat ut Blick, de dör hör wellenförmig gestaltet Quersnitt ok bi en minn Starkt vun dat Blick en hooch Stiefigkeit un Dragfähigkeit reckt.
Herstellung
[ännern | Bornkood ännern]Wellblick besteiht normalerwies ut füerverzinkt Stahl. Seltener is de Beschichtung mit en Zink-Aluminium-Legeeren (Galvalume). Dat Wellblick kann sowohl liek streckt as ok to en Zylinderflach bagen ween. De toeerst herstellt Wellblicken harrn blots en minn Amplitude, hüüd stellt man Blicken mit 20 cm Deeps bi 0,5 mm Blickdickt her. De Herstellung erfolgt hööftsächlich dör Walzprofileeren bzw. Breetbandprofileeren.
Geschichte
[ännern | Bornkood ännern]
De Ingenieur bi de London Docks, Henry Robinson Palmer, gellt as Utfinner, de sück dat Wellblick 1829 patenteeren leet.[1] Nah dat Utloopen vun dat Patent 1843 wurr dat Wellblick to en weltwiet Baumaterial. All Midden vun de 50er Johren vun dat 19. Johrhunnert wurr dat as Daakdeckmaterial in England bruukt. Bi de Eroberung vun den Westen vun de USA un af 1900 in Australien un Neuseeland keem Wellblick as improviseert Baumaterial to'n Insatz.[2][3]
De Barmer Industrielle Carl Ludwig Wesenfeld hett de Vörutsetten för de wiet Verbreeden un den Gebruuk vun disse Technik sowohl as Baustoff as ok in' Maschinenbau schafft, indem he en Wellblick utfinnen de, bi dat de Wellenhööcht grötter as de half Wellenbreedt anordnt is.[4][5]
Gebruuk
[ännern | Bornkood ännern]Wellblick wurrd as ruumafsluuten Element, faaken as Daakbedecken, bruukt. Groot Verbreeden hett dat bi Industriegebäuden un in Slums. Dat franzöösch Woort för Slum, Bidonville, kummt vun (franzöösch:) bidon = Blickkanister.[3]
Ok Floogtüüch wurrn all ut Aluminium-Wellblick baut. Besünners bekannt is de Junkers Ju 52/3m. De Leeferwagen Citroën Typ H as ok de fröhen Exemplare vun den Citroën 2CV (Aant) bestunnen deelwies ut sickten un dormit wellblickoordig profileert Blicken.
In' Eersten Weltkrieg wurrn mobile Wellblickgebäude („Nissenhütten“) utfunnen.[6] Disse Nissenhütten, hüüd ok Rundbagenhallen nömmt, sünd ok hüüd noch temelk anseggt, wegen den minn Platzbedarf un wiel se in' Vergliek to Hallen ut Trapezblick leeg statische Anforderungen an de Konstruktschoon stellen (afhängig vun den Standoort in Betoog up Schneelast un Windlast) un dör de mobile Bauwies ok ahn Baugenehmigung upstellbar sünd.
Enkeld Nahwiesen
[ännern | Bornkood ännern]- ↑ Verzeichniß der zu London im Jahre 1829 ertheilten Patente 1829, Sieden 446–447
- ↑ History of Corrugated Metal Roofing
- ↑ a b History of Corrugated Iron
- ↑ Ludwig Darmstaedter: Handbuch zur Geschichte der Naturwissenschaften und der Technik. In chronologischer Darstellung. 2., ümarbeit un vermehrt Uplaag. Singer, Berlin 1908, Seite 735
- ↑ Ernst Walter Röhrig: Zur Geschichte der Familie Wesenfeld. Band I., Barmen 1929, S. 74.
- ↑ Francis Nenik: XO (Roman), bes. S. 567ff.
