Walter Möhlmann

Vun Wikipedia

Walter Möhlmann (* 18. Januar 1912 in Soltau; † 26. April 1977 in Kassel) weer en düütschen Politiker von de DP un de CDU.

Möhlmann is 1912 in Soltau boren. He weer op de Middelschool in Soltau un de Oberrealschool in Ülzen. Na de School hett he von 1934 bet 1938 Boinschenörwesen an de Technische Hoogschool Hannover studeert. Na dat Studium weer he bet 1945 Boleiter bi en Berliner Grootbofirma. Na 1945 harr he en egen Bedriev in Soltau. 1948 is he Landraad von’n Landkreis Soltau worrn un dat bet 1964 bleven. Möhlmann weer von’n 6. Mai 1951 bet 5. Mai 1963 un denn wedder von’n 12. Juni 1963 bet 5. Juni 1967 (twete bet föffte Wahlperiood) Maat von’n Landdag von Neddersassen. He is in de twete, drüdde un veerte Wahlperiood för den Wahlkreis Soltau in’n Landdag intagen. In de föffte Wahlperiood is he direkt na de Wahl nich in’n Landdag intagen. Eerst nadem Josef Stecker kort na de Wahl sien Mandaat afgeven hett, hett Möhlmann sien Mandaat övernahmen.

Von’n 26. Mai 1955 bet 11. April 1963 weer he Schriftföhrer in’n Landdag un von’n 17. Oktober 1951 bet 26. September 1952 Vörsitter von’n Utschuss för Jugendfragen. Von 1951 bet 1959 weer he in de DP/CDU-Frakschoon un denn bet März 1962 in de DP-Frakschoon. An’n 29. März 1962 is he tohoop mit Hermann Hahn, Johann Klindworth, Richard Langeheine, Hermann Neddenriep, Erich Rocholl, Jobst Schaefer, Werner Schönfelder und Carl-Alfred Schumacher to de CDU röverwesselt un weer denn in de CDU-Frakschoon in’n Landdag.