Johann Klindworth

Johann Peter Klindworth (* 5. April 1900 in Groot Ippens; † 5. Februar 1976 in Zeven) weer en düütschen Politiker von de DP un CDU.

Klindworth is 1900 up Böschen Hoff in Groot Ippens boren worn. He weer acht Johr lang op de Volksschool in Ippens un denn twee Winterhalvjohren lang op de Ackerboschool in Visselhöövd. Na de School is he up en 100-Hektar-Hoff in Lütt Woonst inheiratet und hett dissen ook övernahmen. Von 1926 af an weer he Vertroonsmann in’n Landbund. In’n Rieksnährstand weer he Oorts- un Bezirksbuurnföhrer un na 1945 Oorts- un Bezirksleiter. He weer Vörsitter in ländliche Genossenschaften un dor ok in’n Vörstand. Klindworth is an’n 5. Februar 1976 in Zeven doodbleven.

Klindworth is 1949 as Börgermeester von Groot un Lütt Woonst wählt worrn un harr dit Amt bet 1972. 1952 is he Maat in’n Kreisdag von’n Landkreis Bremervöör worrn un weer dor in’n Finanz-, School- un Kultusutschuss un in’n Weeg- un Grundstücksverkehrsutschuss. Von’n 6. Mai 1959 bet 20. Juni 1970 (veerte bet sösste Wahlperiood) weer he för den Wahlkreis Zeven Maat von’n Landdag von Neddersassen. Toeerst weer he dor Afornten för de DP, an’n 29. März 1962 is he to de CDU wesselt.