Von Brandt

De Familie von Brandt weer en Eddelfamilie.

Historie

De Familie geiht trügg op Jacob Brandt, de to Anfang von dat 17. Johrhunnert Bedeenten an’n sweedschen Königshoff weer. He harr mit siene Fro Anna Salvius den Söhn Peter Brandt (1609–1648). Peter Brandt stünn ok in sweedschen Deensten un is 1632 na de sweedsche Armee in Düütschland schickt worrn. För siene Deensten hett he den Rang von en General-Kriegs-Kommissär kregen un is an’n 30. Januar 1646 in’n Adelsstand hoven worrn.

He is in’n Besitt von de Göder Brook un Rüst kamen. Dat Good Brook keem ut’n Besitt von sien Swiegervader Johann Salvius.

Peter sien Enkel Carl Gustav hett sik 1727 dor för insett, dat dat Good Brook in de Riddermatrikel von de Ridderschop von dat Hartogdom Bremen opnahmen warrt. Aver eerst na sien Dood is dat Good ünner sien Söhn Peter ok würklich Riddergood worrn. Peter harr aver keen Söhns un dorüm is dat Good över Peter siene Dochter Juliane Victoria an de Familie von Cronhelm övergahn.

Aemilius Wilhelm von Brandt hett 1729 dat Good Braamst köfft, mit dat he bi de Ridderschop immatrikuleert worrn is. Dat Good hett siene Dochter Anna Margaretha arvt, över de dat an de Familie von Uckermann övergahn is.

Wapen

Dat Wapen wiest op sülvern Grund en blauen Spoorn, ünner den en Stück Holt to sehn is, dat brennt. An de Sieden is je een gröne Ecker, de pielop steiht. Ünner’n apenen Helm liggt en gollen Kroon un op de Kroon en opricht Stück Holt, dat baven brennt, twüschen twee Büffelhöörn. Dat Hoorn op de rechte Sied is halv swart un halv gollen, dat annere halv sülver un halv blau.

Stammlien

• 1.Jacob Brandt
• ⚭ 1) Anna Salvius
  • 1.1. Peter Brandt (1. März 1609–27. März 1648)
  • ⚭ 1) 6. Mai 1645 Minnen Christina Crusius († 1652; Dochter von Benedictus Olai Crusius)
    • 1.1.1. Johann Wilhelm von Brandt (1646–April 1647)
    • 1.1.2. Johann Wilhelm von Brandt (7. September 1647–19. April 1648)
    • 1.1.3. Peter von Brandt (* 1648)
    • ⚭ 1) NN von Streih
    • ⚭ 2) Margaretha von Spreckelsen
      • 1.1.3.1. Johan Peter von Brandt (* Juli 1674)
      • 1.1.3.2. Kind
      • 1.1.3.3. Carl Gustav von Brandt (September 1677–1728)
      • ⚭ 1) Maria Christina von Scharnhorst (1. August 1674–10. März 1734)
        • 1.1.3.3.1. Peter von Brandt (1703–19. Juli 1735)
        • ⚭ 1) 20. Juni 1727 Juliana Catharina Müller († 8. Juni 1757)
          • 1.1.3.3.1.1. Carl Gustav von Brandt (* 8. April 1728)
          • 1.1.3.3.1.2. Juliane Victoria von Brandt (24. April 1729–27. Februar 1753) ⚭ 1) 1746 Christian von Cronhelm (1716–15. Mai 1783)
          • 1.1.3.3.1.3. Maria Christina von Brandt (* 17. Juni 1732)
          • 1.1.3.3.1.4. Johann Vincent von Brandt (* 11. Mai 1734)
          • 1.1.3.3.1.5. Patrina Juliana von Brandt (* 1. November 1735)
        • 1.1.3.3.2. Andreas von Brandt
        • ⚭ 1) Maria Elisabet Margareta von Scharnhorst (Dochter von Gustav Carl von Scharnhorst)
          • 1.1.3.3.2.1. Gustaf Carl August von Brandt (* 8. Juni 1735)
          • 1.1.3.3.2.2. Carl Gustaf von Brandt (* 18. Mai 1738)
          • 1.1.3.3.2.3. Dochter († 29. März 1742)
        • 1.1.3.3.3. Margaretha Cäcilia/Maria Emilie von Brandt (1704–1765) ⚭ 1) 29. Mai 1721 Burchard von der Decken
        • 1.1.3.3.4. Christian Johann von Brandt
        • 1.1.3.3.5. Anna Sophia von Brandt
        • 1.1.3.3.6. Anna Christina von Brandt (25. Dezember 1707–7. Januar 1737) ⚭ 1) 4. Mai 1723 Jürgen Melchior von Issendorf (12. August 1688–7. April 1758)
        • 1.1.3.3.7. Beata von Brandt
        • 1.1.3.3.8. Carl Gustav von Brandt
        • ⚭ 1) von Scharnhorst (Dochter von Gustav Carl von Scharnhorst)
        • 1.1.3.3.9. Gustav Carl von Brandt
        • 1.1.3.3.10. Ulrika Philippina von Brandt
        • 1.1.3.3.11. Aemilius Wilhelm von Brandt (1713–31. Mai 1789)
        • ⚭ 1) Anna Margaretha von Issendorf (21. Oktober 1720–7. Mai 1804)
          • 1.1.3.3.11.1. Anna Margaretha von Brandt (3. Januar 1744–31. März 1745)
          • 1.1.3.3.11.2. Carl Gustav von Brandt (* 4. Januar 1745)
          • 1.1.3.3.11.3. Maria Christina von Brandt (16. Dezember 1746–15. Juli 1752)
          • 1.1.3.3.11.4. Anna Margaretha von Brandt (5. Januar 1749) ⚭ 1) 12. Januar 1781 NN von Cronhelm ⚭ 2) 6. Dezember 1801 Ludwig von Uckermann
          • 1.1.3.3.11.5. Margaretha Juliana von Brandt (18. April 1750–23. Juli 1752)
          • 1.1.3.3.11.6. Sophia Clementina von Brandt (* 14. Dezember 1761)
        • 1.1.3.3.12. Amalia Wilhelmina von Brandt ⚭ 1) 1731 Lorenz Ernst von Hassel
        • 1.1.3.3.13. Charlotta Friederika von Brandt ⚭ 1) Christian von der Lieth
        • 1.1.3.3.14. Ulrich August von Brandt (Oktober 1717–1722)