Peter Brandt (1609–1648)

Vun Wikipedia
Zur Navigation springen Zur Suche springen

Peter Brandt (* 1. März 1609 in Nyköping; † 27. März 1648 in Hamborg) weer en sweedschen Militärbeamten.

Brandt is 1609 as Söhn von Anna, borene Salvia, un Jakob Brandt in Nyköping boren.[1]

He hett von 1642 af an in’n Dörtigjohrigen Krieg as Kriegskommissar an’n sweedschen Feldtog in Düütschland deelnahmen un is an’n 6. Oktober 1647 Generalkriegskommissar worrn.[1]

An’n 30. Januar 1646 hett Königin Christina von Sweden em in’n Adelsstand hoven.[1] Dat Wapen wiest op sülvern Grund en blauen Spoor, ünner den en brennen Stück Holt liggt, rechts un links gröne Eckern, de pielliek staht.[2]

Brandt weer Herr op Good Brook in Oolland un hett 1646 von Königin Christina dat Amt Langwedel schenkt kregen.

Korte Tied nadem de Sweden gegen Enn von’n Dörtigjohrigen Krieg de Hertogdömer Bremen un Veern innahmen hebbt, hebbt se den Gogreev von dat Gogericht Achem, Otto Clüver, afsett. För em hebbt se an’n 3. Dezember 1646 Brandt as ne’en Gogreev insett. Dat weer he bet to sien Dood 1648.

Brandt hett an’n 6. Mai 1645 in Minnen Christine Crusius freet († Dezember 1652; Dochter von Benedictus Olai Crusius, hett in twete Eh Sven Mårtensson Strussberg freet).[1] De beiden harrn de Kinner Johan Vilhelm (1646–April 1647), Johan Vilhelm (7. September 1647–19. Januar 1648) un Peter (* 1648).[1] Brandt sülvs is 1648 doodbleven un in Stood begraven worrn.[1]

Footnoten[ännern | Bornkood ännern]

  1. a b c d e f Indrag in dat Adelsvapen-Wiki
  2. Ernst Heinrich Kneschke: Neues allgemeines deutsches Adels-Lexicon. Friedrich Voigt, Leipzig 1860, Band 2, Sied 22