Virgil Grissom

Vun Wikipedia
Wesseln na: Navigatschoon, Söök
Gus Grissom

Virgil Ivan „Gus“ Grissom (* 3. April 1926 in Mitchell, Indiana; † 27. Januar 1967 in Cape Canaveral, Florida) weer en US-amerikaansch Astronaut.

Grissom weer nah Alan Shepard de tweete US-Amerikaner in’t Weltruum un ok de eerste Minsch de tweemal in de Weltruum reist is.

Fröhe Johren[ännern | Bornkood ännern]

Gus Grissom is in sien Heimatstadt upwussen un harr noch dree jüngere Geschwister. He wull all immer Pilot wurrn un is 1944 in de amerikaansch Luftwaffe intreden. Een Johr later hett he heiraadt. Nah de Tweete Weltkrieg kreeg he aber en Schrievdischjob, wat hüm nicht gefull, so dat he weer ut de Luftwaffe (Air Force) rutgahn is. Utstatt mit en Intelligenzquotienten vun 145 hett he 1950 sien Afsluss an de Purdue University makt.

Testpilot un Koreakrieg[ännern | Bornkood ännern]

Nah sein Studium is he weer in de Air Force intreden un is Pilot wurrn. Dornah hett he an’ Koreakrieg deelnommen un över 100 Kampinsatzen harrt. Nah disse Tiet wueer he Flaagutbilder. 1957 hett he sein Testpilotenutbilden beend.

Astronaut[ännern | Bornkood ännern]

Grissom vör de Liberty Bell 7

1959 is he vun de NASA as Astronaut utwählt wurrn. He hörr to de eerste Grupp vun Astronauten. Se wull hüm eerst nich nemmen, weil he Heuschnuppen harr, he kunn de Lüüd vun de NASA aber övertüügen, dat dat in’t All kein Pollen gifft un dormit ok kein Heuschnuppen. De anner söss Astronauten weern: Scott Carpenter, Gordon Cooper, John Glenn, Walter Schirra, Alan Shepard un Deke Slayton. Grissom weer de körperlich lüttste ut disse Grupp.

Gemini 3 – John W. Young (links) un Virgil Grissom, fotografeert bi Gemini 6

Sien eersten Ruumflaag hett he an 21. Juli 1961 makt mit de Mercury-Redstone 4 un de Kapsel Liberty Bell 7 un weer de meest bi to Dood kommen. As he weer in Atlantik rünnerkommen de, muss he nah wat töven, bit Hubschraubers kommen deen. Denn is aber de Apsrengmechanismus vun de Luke to fröh losgahn und de Kapsel is in’t Meer versunken. Grissom keem woll nah rut, aber mit en vullen Flaagmontur lett sück dat schlecht swemmen. De Hubschrauber hebbt denn as se dor weern mit de Luftgepusteree hüm ok noch nah ünnern drückt, so dat he meest afsoopen weer. Letzten Endes hebbt se hüm aber doch noch retten kunnt. Man weet nich, of Grissom dat Afsprengen nicht sülvst verursacht hett. De Kapsel hebbt se eerst 1999 burgen.

Sein nächsten Insatz harr he denn bi dat Gemini-Programm.

Eenig har Alan Shepard den eersten Gemini-Flaag maken sullt, aber he wurr krank. So wurr Grissom Kommandant vun de Mission Gemini 3, sien Pilot weer John Young. Start sünd se an’ 23. März 1965 und se hebbt de Eer dreemal umkreist.

John Youn kreeg nah de Flaag Arger, weil he sück en Stückerpaket mit in’t All nommen harr, wat krömeln dee un temelk gefährlich weer. De Flaag weer trotzdem en grooten Erfolg. 4 Stünnen un 52 Minüten weern se in’t All.

Dat Binnere vun de Apollo-1-Kapsel nah dat verheerend Füer

Sien nächste Mission sull denn de Mission Apollo 1 wesen. Dormit weer he de Eerste wesen, de up dree verscheeden Ruumschipp flaagen harr un överhaupt dreemal flaagen harr, Aber dorto keem dat nich. Bin en vun de letzten Tests up de Eer an 27. Januar 1967 geev dat en Füer in de Kapsel, de mit rein Suerstoff upfüllt weer. De dree Astronauten Grissom und sien Kollegen Edward Higgins White un Roger Bruce Chaffee harrn kien Mögelkeit, dor ruttokommen un sünd erstickt un verbrennt. Se kunnen de Luuk nich vun binnen apen maken (to hooch Druck wegen dat Füer) un ok nich vun buten (dor weern gar kein Rettungsmannschoppen).

Dornah hebbt se de Kapsel vun Grund op överarbeit.

Weblenken[ännern | Bornkood ännern]