Indiana

Vun Wikipedia
Laag vun Indiana binnen de USA
Flagg vun Indiana

Indiana is en Bundsstaat vun de USA. He hett 6.237.569 Inwahners (Stand 2005) op en Rebeet vun 94.321 km². De Hööftstadt is Indianapolis.

Geografie[ännern | Bornkood ännern]

Indiana grenzt in'n Norden an dat Michiganmeer un an den Bundsstaat Michigan, in'n Osten an Ohio, in'n Süden is de Ohio River de Grenz na Kentucky hen un in'n Westen liggt Illinois. De hööchste Punkt in Indiana is de Hoosier Hill in dat Wayne County (383 m).[1]

Historie[ännern | Bornkood ännern]

Ehr dat de eersten Europäers na Indiana henkamen sünd, hefft dor Indianers leevt. Se hören to de Stämm vun de Delawaren, Miami, Potawatomi, Shawnee un Wea to. 1679 sünd franzöösche Forschers vun Norden her in dat Land kamen. Vun 1763 af an hett dat to Grootbritannien tohöört. De hefft dor avers nich veel mit anfangen konnt. 1787 is Indiana Deel vun dat Noordwestterritorium wurrn. 1800 is dat Noordwestterritorium so lüttsch maakt wurrn, as de latere US-Bundsstaat Ohio, de Rest (dor höör dat latere Indiana mit to) is en egen Territorium wurrn un hett den Naam Indiana-Territorium kregen. Dor sünd denn 1805 dat Michigan-territorium un 1809 dat Illinois-territorium vun afsneden wurrn. Vun 1809 af an weer dat Indiana-Territorium so groot, as de hüdige US-Bundsstaat. An'n 11. Dezember 1816 is Indiana as 19. US-Bundsstaat Deel vun de USA wurrn. De Indianers sünd in lange Kriegen wegdreven wurrn. Unner annern hett de beröhmte Hööftling Tecumseh dor gegen de Amerikaners streden.

Inwahners[ännern | Bornkood ännern]

Indiana hett 6.313.520 Inwahners (Stand: 2006), dormank 86 % Witte, 8,7% Swarte, 4,7 % Hispanics, 1,3 % Lüde ut Asien un 0,2 % Indianers.[2] Jummerlos wannert sunnerlich Lüde ut Asien un Latienamerika to.

Indiana is en Staat, wo dat nich sunnerlich veel grote Städer gifft. Tomeist leevt de Lüde in lüttje Städer un Middelzentren. Gröttste Stadt un ok Hööftstadt is Indianapolis. Dor gifft dat jedet Johr dat meist beröhmte Autorennen vun de Welt, dat is de so nömmte Indy 500.

Religion[ännern | Bornkood ännern]

In dat Johr 2000 sünd de Röömsch-kathoolsche Kark mit 836.009 Liddmaten un de United Methodist Church mit 288.308 Lüde de gröttsten Karken in Indiana ween.[3]

Politik[ännern | Bornkood ännern]

Indiana is opdeelt in 92 Kreisen (Countys):

Belegen[ännern | Bornkood ännern]

  1. http://www.classbrain.com/artstate/publish/indiana_highest_lowest_elevation.shtml
  2. factfinder.census.gov
  3. http://www.thearda.com/mapsReports/reports/state/18_2000.asp

Weblenken[ännern | Bornkood ännern]