Vincenzo Iaquinta
Vincenzo Iaquinta (* 21. November 1979 in Crotone, Italien) is en ehmalger italieensch Footballspeler. De Störmer stunn bit Juni 2013 in de Serie A bi Juventus Turin ünner Verdrag.
Loopbahn[ännern | Bornkood ännern]
Vereen[ännern | Bornkood ännern]
Vincenzo Iaquinta fung sien Loopbahn in de Jöögd bi Reggiolo Calcio an, wessel dornah to Padova Calcio bzw. ASD Castel di Sangro un speel af de Saison 2000/01 för Udinese Calcio. Hier steeg he so nah un nah vun en Reservisten to en wichtigen Speler up. So reck he mit dissen Vereen in de Saison 2004/05 den 4. Platz in de Liga. In de folgen Champions-League-Qualifikatschoon seker he mit twee Doren sien Vereen de eerstmalige Deelnahm an de Champions League. In dat eerst Speel gegen Panathinaikos Athen hett he all dree Doren bi den 3:0-Sieg för Udinese Calcio schaaten.
Af de Saison 2007/08 speel Iaquinta för Juventus Turin. He kreeg dor en Verdrag over fiev Johr. In’ Januar 2012 wurr he an den Ligarivalen AC Cesena utleehnt. Nah en half Johr kehr Iaquinta to de Saison 2012/13 torüch, hörr aber nich mehr den Eerstligakader an. Sien in‘ Sömmer 2013 utloopen Verdrag hett man ok nich verlängert.
In de Saison 2007/08 wurr he Doorschüttenkönig in de italieensch Liga.
In de Natschonalmannschap[ännern | Bornkood ännern]
Iaquinta stunn it dat italieensch Upgebot för de Football-Weltmeesterschap 2006 in Düütschland. Hier wurr he in dat eerst Speel gegen Ghana in de tweet Halftiet inwesselt un hett mit sien eerst Lännerspeeldoor dat vörentscheeden 2:0 schaaten. In den wiederen Verloop vun dat Turnier hett hüm Natschonaltrainer Marcello Lippi meest as Joker in de tweet Halftiet insett, so ok in dat Halffinale gegen Düütschland un in dat Finale gegen Frankriek, in dat Italien in dat Elfmeterscheeten to’n veerten Mal Footballweltmeester wurrr.
Iaquinta hett van 2004 bit 2010 all tosommen 40 Lännerspelen för Italien maakt un dorbi söss Doren schaaten.
Anklaag[ännern | Bornkood ännern]
Siet den 23. März 2016 stunn Iaquinta in Bologna in en vun de bither gröttsten Mafiaperesse vör Gericht. Anklaagt weer he wegen illegaler Wappenbesitt un Mafiatogehörigkeit, wat he aber bestrieden dee.[1] In'n Oktober 2018 wurr he to twee Johren Gefängnis, sien Vader to 19 Johren Haft veroordeelt.