Vic Dickenson

Victor Dickenson, nömmt Vic Dickenson (* 6. August 1906 in Xenia in Ohio; † 16. November 1984 in New York City) weer en US-amerikanischer Jazz-Basuunist vun afroamerikaansch Herkunft, de Mainstream Jazz un Oldtime Jazz spelen dee.

Dickenson weer nah de Wöör vun Edmond Hall de beste Dixieland-Basuunist, speel aber ok Swing un kunn sück den ünnerscheedlichsten Stilrichten anpassen un weer ok as Begleiter vun Singers bannig good.

He speel 1933 bts 1936 mit Blanche Calloway, 1936 bit 1939 bi Claude Hopkins, weer 1939 bit 1940 Solist bi Benny Carter un dornah bit 1941 bi Count Basie. In de 1940er Johren speel he ok mit Sidney Bechet un mit Eddie Heywood (1943 bit 1945), mit de tosommen he 1944 Billie Holiday begleit hett (The Complete Commodore Recordings). 1945/46 hett he mit Lester Young (The Complete Aladdin Recordings of Lester Young) tosommnarbeit. 1953 un 1954 harr he en Septett mit Ruby Braff, Sir Charles Thompson, Jo Jones, Walter Page un Edmond Hall. In de 1960er Johren harr he tüschen 1963 un 1968 en eegen Band „Saints and Sinners“ (mit Red Richards), speel mit de George Wein All Stars, mit den Kornettisten Bobby Hackett (mit de he 1968 bit 1970 en Quintett leiten dee) un Wild Bill Davison (1961/62). Dickenson weer ok faken Gast up Festivals un gung mit Eddie Condon (in de sien Club he ok regelmatig uptreden dee) in de 1960ers up Tourneen (Asien, Australien 1964). 1965 weer he as Solist up Europa Tournee. In de 1970er Johren speel Dickenson in „The World’s Greatest Jazz Band“.

Ehrungen

Vic Dickenson is in de American Jazz Hall of Fame upnommen wurrn.

Utwahldiskographie

Breaks, Blues and Boogie (Topaz, 1941-46) mit James P. Johnson, Wilbur De Paris, Ben Webster, Coleman Hawkins
Vic Dickenson Septet (Vanguard, 1954)
The Saints & Sinners In Europe (MPS, 1970) mit Rudy Powell, Red Richards, George Reed, Herman Autrey
Gentleman Of The Trombone (Storyville, 1975) mit Johnny Guarnieri, Bill Pemberton, Oliver Jackson
Ding Dong (Storyville, 1976) mit Buddy Tate

Weblenken