George Wein

Vun Wikipedia
Zur Navigation springen Zur Suche springen
George Wein, 2009

George Theodore Wein (* 3. Oktober 1925 in Boston, Massachusetts) is en US-amerikaansch Jazzmusiker un Impresario.

Biografie[ännern | Bornkood ännern]

Wein studeer Piano bi Margarett Chaloff, Sam Sax as ok Teddy Wilson un fung all in jung Johren an, sien Geld mit Jazzmusik to verdeenen. 1946 hett he mit Max Kaminsky arbeit, 1947 mit Edmond Hall, 1948 mit Wild Bill Davison un dornah mit Jimmy McPartland, Bobby Hackett, Jo Jones, Vic Dickenson un annern.

1950 hett he mit den Storyville sien eersten Club in Boston apenmakt. Ünner den glieker Naam führ he sien eegen Platten-Label Storyville bit 1965. Siet 1954 organiseer he dat Newport Jazz Festival. In de Loop vun de Tiet hett he tosommen mit sein Fru Joyce Wein anner wichtige Festivals, as de Grande Parade du Jazz in Nizza, dat Playboy Jazz Festival at the Hollywood Bowl, de New Orleans Jazz and Heritage Fair un dat Boston Globe Jazz Festival up den Weg brocht. Af 1964 weer he mit Ralf Schulte-Bahrenberg un Joachim Ernst Berendt an de Organisatschoon vun de Berliner Jazztage bedeeligt. Dorneben hett Wein wiederhen Musik makt un hett Jazz in sein Heimatstadt Boston ünnerricht. 1959 hett he mit en All Star-Grupp Europa besöcht. 2007 hett he de Rechte an dat Newport Jazz Festival un den Newport Folk Festival an de Festival Network LLC ünner de Leitung vun Chris Shields verköfft, de de Festivals mit verännert Konzept fortsetten dee.

George Wein kreeg tallriek Utteknungen för sien Verdeenste um den Jazz. 2005 wurr he mit de NEA Jazz Masters Fellowship ehrt.

Diskografie[ännern | Bornkood ännern]

  • Wein, Women And Song (1955)
  • The Magic Horn Of George Wein (1956)
  • George Wein & The Storyville Sextet – Jazz At The Modern (1960)
  • George Wein & The Newport All-Stars (1963)
  • George Wein Is Alive And Well In Mexico (1967)
  • George Wein’s Newport All-Stars’ (1969)
  • Tribute To Duke (1969)
  • The Newport Jazz Festival All-Stars (1984)
  • European Tour (1987)
  • Red Norvo: Swing That Music (Affinity, 1993)
  • Pee Wee Russell: We’re In The Money (Black Lion, 1953–54)

Literatur[ännern | Bornkood ännern]

  • George Wein, mit Nate Chinen: Myself Among Others: A Life In Music, da Capo Press, 2004, ISBN 0-306-81352-1 (Autobiografie)

Weblenken[ännern | Bornkood ännern]