Vethbeek

Vethbeek
Laag	Neddersassen
Stroomsystem	Werser
Läng	9 km
Born	bi Helmsen
Münn	bi Wittloh in de Lehrde
rechte Blangenströöm	Thransgraven

De Vethbeek is en negen Kilometer langen Beek in de Landkreise Heidkreis un Veern, de in de Lehrde münnt.

De Born von’n Vethbeek liggt bi Helmsen in’n Noordoosten von Vethem in dat Naturschuulrebeed Vehmsmoor. Von dor flütt de Beek na Süüdwesten, twüschen Vethem un Maienbrook dör, an Blankemöhlen langs un dör Witten Kampen. Dor geiht de Landsstraat 160 över den Beek weg. Bi Witten Kampen nimmt de Vethbeek ok den Thransgraven op. Twüschen Witten Kampen un Odersen dreiht de Beek op Noordwest un is in de Neegd von Odersen mit’n Oderser Kanaal verbunnen. Dicht bi disse Steed güng fröher ok de Brügg von de Bahnlien Veern–Wasra över den Beek weg. De Bahnlien weer von 1910 bet 1936 in Bedriev. Denn geiht de Vethbeek dör Wittloh, warrt von de Landsstraat 159 krüüzt un münnt kort later in de Lehrde.

Dat Water in de Lehrde flütt denn över de Aller un de Werser in de Noordsee.

1988 is en 87 Hektar groot Landschopsschuulrebeed Vethbeek inricht worrn.

För den Ünnerholt von de Waterlööp an’n Vethbeek weer bet 1971 de Waterverband för den Vethbeek un de Lehrde in Wittloh tostännig. Siet 1971 is de Oderser Diekverband in Odersen tostännig.