Val Logsdon Fitch

Vun Wikipedia

Val Logsdon Fitch (* 10. März 1923 in Merriman, Nebraska; † 5. Februar 2015 in Princeton, New Jersey[1]) weer en US-amerikaansch Elementardeelkenphysiker.

Fitch kreeg 1980 tosommen mit James Watson Cronin den Nobelpries för Physik „för dat Opdecken vun Besehren vun fundamental Symmetrieprinzipien in den Zerfall vun neutralen K-Mesonen“.

Leven[ännern | Bornkood ännern]

Sien Vader harr en Rinderranch, muss de aber nah en Rietunfall upgeven un gung in dat dicht bi liggen Gordon, wo he in de Versekerungsbranche arbeiten dee. In den Tweeten Weltkrieg hett Fitch (der jüst sien Studium anfungen harr) an Manhattan Project in Los Alamos in dat Labor vun Ernest William Titterton arbeit. He kreeg 1948 sien Bachelor-Afsluss in Elektrotechnik an de McGill University un hett sienn Doktertitel in Physik an de Columbia University 1954 bi James Rainwater maakt. In sien Dissertatschoon hett he de Gammastrahlung vun myonischen Atomen meeten.

Siet 1960 weer he Perfesser an de Universität Princeton. Hier verlager sück sien Interesse up K-Mesonen. 1964 führ Fitch mit James Watson Cronin en Reeg vun Experimenten dör, bi de se en Besehren vun de CP-Invarianz bi den Zerfall vun neutral K-Mesonen opdecken deen.

He weer siet 1966 Liddmaat vun de National Academy of Sciences.[2]

He harr twee Söhn ut sien eerste Ehe (sien Fru is 1972 storven) un hett 1976 weer heiraadt, wobi sien tweet Fru dree Kinner mit in de Ehe broch.

Utteknungen[ännern | Bornkood ännern]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Nobel laureate and Princeton physicist Val Fitch dies at age 91. Up: Princeton.edu. 6. Februar 2015.
  2. Val L. Fitch. Up: NasOnline.org.