James Watson Cronin

Vun Wikipedia
Zur Navigation springen Zur Suche springen
James Watson Cronin (2006)

James Watson Cronin (* 29. September 1931 in Chicago, Illinois) † 25. August 2016[1]) weer en US-amerikaansch Physiker un Nobelpriesdräger.

Leven[ännern | Bornkood ännern]

Cronin hett 1951 sien Studien an de Southern Methodist University afslooten un gung för de wiedere Studien an de University of Chicago, wo he 1955 sien Doktertitel kreeg. Ansluutend hett he an dat Brookhaven National Laboratory arbeit. 1958 bit 1971 weer he an de Universität Princeton un wurr denn Perfesser an de University of Chicago.

Cronin hett in de Berieken Zerfall vun Hyperonen un Ertüügen vun Myonen arbeit. He hett den totalen Wirkungsquersnitt vun de Pion-Proton-Streen bestimmt un hett de Funkenkammer verbeetert, de he as eerst Physiker to'n Nahwies vun Deelken dör Photographeeren vun de Funkensporen bruuken dee.

Gegenstand vun aktuell Forschung in de Deelkenphysik is de Cronin-Effekt. De beschrifft de Modifikatschoon vun de Hadron-Streen an Karns gegenöver dat, wat man verwachten würr, wenn man den Karn as Menge unafhängiger Nukleonen ankiekt.

Cronin kreeg 1980 tosommen mit Val Logsdon Fitch den Physik-Nobelpries „för dat Opdecken vun Besehren vun fundamental Symmetrieprinzipien in den Zerfall vun neutralen K-Mesonen“. Dat Experiment dorto wurr 1964 an dat Brookhaven National Laboratory utführt.

Later hett he sück mit dat Utforschen vun kosmisch Strahlen in dat Pierre-Auger-Observatorium befaat. Dat Observatorium hett he 1992 sülvst mit entworfen.

Privates[ännern | Bornkood ännern]

1954 hett he Annette Martin heiraadt, de he an de University of Chicago kennenlehrt harr. Un mit de he dree Kinner (twee Döchter un een Söhn) hett.

Weblenken[ännern | Bornkood ännern]

Commons-logo.svg James Watson Cronin. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Nobel laureate James Cronin dies at 84