In de Babel-Box op deWP kaamt wi na'n Klick op de Footzell (footer) „Benutzer nach Sprache“ to de Siet Kategorie:Benutzer:nach Sprache.
In de Babel-Box op ndsWP is dat anners: Klickst du op Bruker noh Spraak, lannst du op en Siet, de dat nich gifft.
Ik heff in de Verschoonsgeschicht vun Vörlaag:Babel dat hier funnen:
In de Verschoon vun'n 2011-08-25, Klock 14:06:15 stunn noch de valide Kategorienangaav | [[:Category:Brukers na Spraak|Brukers na Spraak]]. De Verschoon achterna (Verschoon vun'n 2011-09-21, Klock 17:18:27 vun Slomox) harr düsse Angaav nich mehr, un sünnerborerwies heet dat in de Footreeg vun de Babel-Box nu [[Kategorie:Babel_-_Bruker_noh_Spraak|Bruker noh Spraak]], wo in de Bornkood rein nix vun steiht un wat en Fehllenk is.
Ik bidd de Wikipedianer, de - anners as ik - Wikisyntaxfachlüüd sünd, düsse Vörslääg un Fragen to prüfen:
a) Dat Woort „noh“ schull na de Sass-Schrievwies[A 1] in „na“ ännert warrn. Un denn schull de Fehllenk ok substitueert warrn mit den validen(!) Lenk na Kategorie:Brukers na Spraak. Dorto mutt in den <noinclude>-Deel vun de Vörlaag:Babel de Kategorienangaav [[Kategorie:Brukers_na_Spraak|Brukers na Spraak]] inföögt warrn.[A 2] In den Footareal vun de Vörlaagsiet kann een denn sehn, dat de Vörlaag to de korrekte Kategorie:Brukers_na_Spraak höört. Doch ännert dat allens nix an den sünnerboren Rootlenk in de Babel-Box ehr Footreeg. Wo kümmt also düsse falsche Vörgaav in den mw-babel-footer her??
b) Op de Siet Kategorie:Brukers na Spraak schull ünner den Bookstaav N de Wikilenk [[:Kategorie:User_nds|User nds]] (un de is valide!) to sehn sien. (Ik weet nich, woans dat kloortokriegen is; de Ünnerkategorien kann een in den Bornkood nich sehn.)
To b): Op de Idee, för nds ünner P to söken, mutt een eerst kamen. Slomox seggt, dat weer „bi de annern Spraken ok so, dat se na’n Naam sorteert sünd un nich na’n Code“.
Denn muss op de engelsche Siet User de ünner G (vunwegen „German“) stahn; dat deit dat aver nich. Dor sünd de Ünnerkategorien akkerat alphabeetsch na den Spraakkoods sorteert, jüst so as op de neadersassisken, boarischen, düütschen, franschen, italieenschen, nedderlannschen, russ'schen, greekschen un latienschen Kategoriensiet. Heel un deel fimmelig is dat op de spaanschen Siet: Dor finnt een bajo alemán (= Nedderdüütsch) ünner B, man na bajo sajón (= Neddersassisch) mutt een ünner W söken. Dat kann doch keen Vörbild för en Kategoriensiet sien! Ok de däänsche Siet, de na desülve Oort sorteert is as de plattüütsche Siet, is keen Hölp, wenn een mal wat söcht. Ok de ripuarische Siet sorteert de Kategoriennaams nich na den Spraakkoods, man een kann tominnst lesen, wo se de Spraken benöömt (Medmaacher kann Niiderdeutsch ünner N, Medmaacher kann Änglish ünner A, Medmaacher kann Shinesish ünner S)[A 3]; dat kann een op de plattüütsche Siet nich.
In dat Template:User nds-4 op Wikimedia Commons{{Template:User_nds-4}} (Resultat: „nds-4 Disse Bruker snackt Plattdüütsch so goot wie en Moderspraak.“) schull staats de hoochdüütsche Vergliekskonjunkschon wie de plattdüütsche Vergliekskonjunkschon as sett warrn.
Wenn een in nds-Wikipedia {{Babel|nds-4|}} oder {{#Babel:nds-4|}} schrieven deit, kümmt dor düsse Text bi rut: „nds-4 Disse Bruker versteiht wat vun Plattdüütsch as wenn dat sien Moderspraak weer.“
Dat is bet op't Komma, wat dor vergeten worrn is, in't Loot.
Mien Kritik doran, woans de Kenntnisstopen nds-3 un nds-2 beschreven sünd, finnt sik op de:Benutzerin:Johanna_Web/Zu_Babel#„#babel:“.
De Adress to't Ännern för't Beschrieven vun nds-Kenntnisstopen is: https://translatewiki.net/w/i.php?title=Special:SearchTranslations&query=Plattdüütsch.
⤵
✎ In Arbeit!