Ulleung

Vun Wikipedia
Wesseln na: Navigatschoon, Söök
Laag vun Ulleung (an de rechte Kant)
Koort vun Ulleung un Jukdo
Ulleung vun’n Satellit ut sehn

Ulleung (울릉도) is en Eiland in de Japaansche See, dat to Süüdkorea höört. Ulleung is so bi 120 Kilometer vun dat faste Land af un hett bi 10.000 Inwahners op 73,15 km². Polietsch is dat Eiland Deel vun dat Amt Ulleung in de Provinz Noord-Gyeongsang.

Ulleung is en Vulkaneiland un in’n hööchsten Punkt, den Seonginbong, 984 Meter hooch.

Bi de Weertschop sünd Fischfang op Blackfisch un de Tourismus vun Belang.

Historie[ännern | Bornkood ännern]

Funnen vun Archäologen wiest, dat dat Eiland al in dat 1. Johrdusend v. Chr. bewahnt weer. De Naam Ulleung kummt dat eerste Maal in de Samguk Sagi ut dat Johr 1145 vör un snackt vun dat Johr 512, as General Kim Isabu ut Silla dat vördem unafhängige Riek Usan op Ulleung innahmen hebben schall. Ulleung is aver nich ünner de Herrschop vun Silla bleven. Eerst 930 is Ulleung Deel vun Goryeo worrn. In dat 11. Johrhunnert is dat Eiland vun Piraten vun de Jurchen överfallen un utplünnert worrn un in dat 14. Johrhunnert vun Wokou-Piraten. 1787 hett de franzöösch Seefohrer Jean-François de La Pérouse dat Eiland funnen un em den Naam Dagelet na Joseph Lepaute Dagelet geven.


Koordinaten:37° 30′ N, 130° 52′ O