Tormore
| Tormore | |
|---|---|
 Brenneree Tormore | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | Pernod Ricard |
| Grünnt | 1958 |
| Grünner | Long John Distillers |
| Architekt | Sir Arthur Richardson |
| Waterborn | Achvochkie Burn |
| Washstill(s) | 4 |
| Spiritstill(s) | 4 |
| Produkschoonsvolumen | 3.700.000 l |
Tormore is en Whisky-Brenneree bi Grantown-on-Spey, Moray, Schottland.
Historie
[ännern | Bornkood ännern]1958 hett dat Ünnernehmen Long John Distillers anfungen de Brenneree ruchweg een Kilometer wiet weg vun’n Stroom Spey to boen. Dat weer de eerste ne’e Brenneree, de in Schottland in’t 20. Johrhunnert grünnt weer. Plaant weer se vun den Architekt Sir Arthur Richardson un se gellt as een vun de beindrucksten Destillen vun dat Land. Ofschoonst se noch teemlich jung is, stieht se al ünner Denkmolschuul[1]. In de Ümgegend vun de Brenneree sünd ok Arbeiterwahnungen in’n glieken Stil boet worrn. Op dat Rebeet vun de Distille sünd kunstfardig besnedene Topiari-Strüker, to’n Bispeel in Form vun en Brennblaas anleggt[2].
1972 weer de Tall vun de Brennblasen vun veer op acht verdubbelt. In 1975 is de Destille toeerst vun Whitbread & Co un denn vun allied Destillers övernahmen worrn. Mit den Koop vun Allied Domecq güng ok disse Destille 2005 in den Besitt vun Pernod Ricard över[1][2].
Produkschoon
[ännern | Bornkood ännern]Dat Water för de Produkschoon kummt ut den Achvochkie-Born. Brennt warrt mit veer Wash stills un veer Spirit stills. De rgöttste Deel vun den Whisky warrt för Blends bruukt, vör allen för den Long John. Man, dat gifft ok regelmatig Single Malts, de vun unafhangige Affüllers oder original vun de Brenneree sülvst affüllt warrt[3][4].
Kiek ok
[ännern | Bornkood ännern]Literatur
[ännern | Bornkood ännern]- M. Jackson: Whisky. Dorlin Kindersley Verlag, München 2008, ISBN 978-3-831-00764-6, S. 157.
Borns
[ännern | Bornkood ännern]- ↑ a b Översicht op Whiskiesofscotland.com
- ↑ a b Överischt op Whisky-distillers.info
- ↑ Översicht bi Whisky.com
- ↑ Översicht bi Scotchwhisky.net
Weblenken
[ännern | Bornkood ännern]
Koordinaten:57° 24′ N, 3° 25′ W