Toonhelpsmann

Vun Wikipedia
Zur Navigation springen Zur Suche springen
Toonhelpsmann mit Toonangel an en Dreihoort

De Toonhelpsmann (ok Toonassistent, Angler oder – afleidt vun’t engelsche boom operatorBoomman) is en Liddmaat vun en Filmkru.

He hett dorför to sorgen, dat de Toonmeester en mööglichst direkt Tonsignal opnehmen kann. Faken warrt dorto en Toonangel bruukt, an dat vörn een Mikrofon anbröcht is. Dat warrt denn so dicht as mööglich an den Mund vun den Schauspeler ran bröcht. Dorbi dröff aver de Toonangel nich in’t Bild vun de Filmopnahm to sehn wesen, un ok nich ehrn Schadden. Ok in Spegels oder Reflekschonen dröff te Toonangel nich to sehn wesen.

En staatliche Utbilln gifft dat för den Toonhelpsmann nich. Tomeist stiegt de Lüüd över en Praktikum in den Beroop in oder över Filmen ahn Budget. En poor private Scholen hebbt Kursen un Utbilln to’n Toonhelpsmann, wobi de Inholt vun so en Studium aver tomeist wiet över dat reine Toonangeln rutgahn doot.

Weblenken[ännern | Bornkood ännern]

Commons-logo.svg Toonangeln. Mehr Biller, Videos oder Audiodateien to’t Thema gifft dat bi Wikimedia Commons.