Tittmelk

Vun Wikipedia
Twee Proven Tittmelk. Linkerhand von de eerste Melk bi vulle Bost, rechterhand bi en meist leddig Bost

Tittmelk is de Melk, de en Froo na de Geboort von en Kind in’e Titten produzeert. För de eerste Tied na de Geboort is de Melk dat eenzige an Eten/Drinken, wat dat Kind to sik nimmt. De WHO seggt, dat dat Kind so de eersten söss Maand bloot Tittmelk to kriegen bruukt. Von dor af an schull dat Kind denn bilütten ok fasten Kraam to eten kriegen. De WHO seggt, dat dat so üm un bi duurn schull, bet dat Kind twee Johr oold is, aver dat hängt vör allen dor von af, wat Kind un Moder wüllt.

Woveel Melk de Bost produzeert, hängt dor von af, woveel Melk dat Kind süggt. Wenn dat Kind faken süggt, denn warrt de Melkproduktion dor von anreegt.

In de eersten Daag is de Tittmelk noch wat dicker un geler, so as Beestmelk. Disse eerste Melk sett sik en beten anners tohoop as later un dor is allens in, wat dat Kind in de eerste Tied bruukt.

Wenn dat Kind nich good süggt oder en beten Melk op Vörraad bruukt warrt, denn kann en Melkpump bruukt warrn, üm de Tittmelk aftopumpen. Tittmelk höllt sik aver nich good över längere Tied, to verglieken mit Kohmelk.

Wenn de Moder sülvs dat Kind nich sögen will oder kann, denn warrt faken en Amm bruukt, de dat Kind Melk gifft.

Stüürt warrt de Melkproduktion von dat Hormoon Prolactin un Oxytocin. Dat en Moder nich noog Tittmelk för dat Kind produzeert, dat kummt bi gesunne Froon kuum vör. Vörkamen kann dat to’n Bispeel bi dat Sheehan-Syndrom oder enkelt ok, wenn de Antibaby-Pill nahmen warrt un de Hormoonhuusholt dörenannerkummt. Middel, de helpt, dat de Froo mehr Melk produzeert, warrt Galaktagogen nöömt. To’n Bispeel warrt von Trigonella foenum-graecum seggt, dat dat helpen schall.

Wat dor in is[ännern | Bornkood ännern]

Wat dor in is in’n Vergliek mit welk Deerten
/100 ml[1] Minsch Koh Schaap Zeeg Peerd
Water 87,2 % 87,5 % 82,7 % 86,6 % 90,1 %
Kohlenhydrat 7,0 % 4,8 % 6,3 % 3,9 % 5,9 %
Fett 4,0 % 3,5–4,0 % 5,3 % 3,7 % 1,5 %
Protein 1,5 % 3,5 % 4,6 % 4,2 % 2,1 %
Sporenelement 0,3 % 0,7 % 0,9 % 0,8 % 0,4 %
kcal 70 64–68 86 65 43
kJ 294 268–285 361 273 180
Kalium [mg] 47 141
Natrium [mg] 14 45
Calcium [mg] 33 116
Magnesium [mg] 3 12
Iesen [µg] 58 59
Phosphor [mg] 15 92

Footnoten[ännern | Bornkood ännern]

  1. http://www.zalp.ch/aktuell/suppen/suppe_2004_03_01/su_mi.html.