The Lawless Frontier

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: The Lawless Frontier
Düütsch Titel: Das Gesetz des Stärkeren
Produkschoonsland: USA
Johr vun’t Rutkamen: 1934
Läng: 59 Minuten
Originalspraak: Engelsch
Filmkru
Speelbaas: Robert N. Bradbury
Dreihbook: Robert N. Bradbury
Produkschoon: Paul Malvern
Musik: Sam Perry
Kamera: Archie Stout
Snitt: Charles R. Hunt
Dorstellers

The Lawless Frontier (op plattdüütsch so veel as „De gesettlose Grenzland“; dt. Titel: Das Gesetz des Stärkeren) is de Titel vun en US-amerikaanschen Western ut dat Johr 1934. In den B-Movie hett John Wayne de Hööftrull speelt, Speelbaas weer Robert N. Bradbury, de ok dat Dreihbook schreven hett. Dreiht weer de Film an verscheden Öörd in’n US-Bundsstaat Kalifornien[1]. De Premiere weer an’n 22. November 1934 in de USA[2].

Inholt[ännern | Bornkood ännern]

Pandro Zanti is en legen Kerl ahn Geweten, de mit sien Bande roven deit, as em dat jüst gefallt. Bi en Överfall op en Ranch warrt de Öllern vun John Tobin doodschaten, de seit denn achter Zanti her is, üm torüch to betahlen, wat he em andoon hett.

Een Dag dröpt Zanti mit sien Lüüd op Dusty sien Ranch, de he wegen ehr Laag un Waterversorgen as nee Versteek hebben will. As he sik ümkieken deit, sütt he bito noch Dusty sien smucke Dochter Ruby, de Zanti ok glieks för sik hebben will. Sien Plaan is, de Ranch överfallen un den ollen Dusty an de Siet maken to laten. De Dochter will he denn redden, un so op sien Siet bringen. Ruby höört aver, wat Zanti to sien Mackers seggt, un Dusty kann sik wat överleggen, woans he sien Dochter wegbringt. Op de Flucht kriegt se Hülp vun Tobin, de jüst den glieken Weg hett.

De Sheriff in dat Rebeet versöcht mit de Inwahners, Zanti sien Bande to kriegen. Bi en Twüschenfall in de Stadt kriggt he nu aver John Tobin in Verdacht, dat he mit Zanti ünner een Deek steken schall. Tobin arbeit aver lever alleen un kriggt Zanti wohrhaftig to faten. He levert em bi’n Sheriff af. As Dusty besehrt warrt, kriggt de Sheriff Tobin al wedder in’n Verdacht. He hollt em för Dusty sien Möörder un nimmt ok em fast. In Wohrheit weer dat Zanti, de sik befre’en künn un den Verdacht mit Afsicht op Tobin lenken wull.

Dusty överleevt aver un befreet Tobin, de Zanti foorts wedder verfolgt. De finnt sien Enn op de Flucht, as he ut en vergift Waterlock drinken deit. Sien Bande versöcht wieter Ruby to roven. Tobin kann jem mit aver in en Fall locken, so dat de Sheriff de hele Bande op een Slag fastnehmen kann. De Sheriff mutt insehn, dat Tobin keen Verbreker is, un överlett em opletzt sien Posten.

Weblenken[ännern | Bornkood ännern]

Borns[ännern | Bornkood ännern]

  1. Dreihöörd in de IMDb afropen an’n 14. April 2013
  2. Premierendaten auf IMDb afropen an’n 14. April 2013