Swerin

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Schwerin

Schwerin
Laag vun Schwerin in Düütschland
Basisdaten
Inheemsch Naam: Swerin

Mekelnborg-Vörpommern

Flach: 130,46 km²
Inwahners: 95.300 (31.12.2011)
Inwahnerdicht: 730,5 Inwahners pro km²
Hööchd: 38 m över de See
Postleettall: 19053, 19055, 19057, 19059, 19061, 19063
Vörwahl: 0385
Geograafsche Laag:
Koordinaten:53° 38′ N, 11° 25′ O
53° 38′ N, 11° 25′ O
Gemeenslötel: 13 0 04 000
Öörd in de Gemeen: 18
Börgermeester: Angelika Gramkow (De Linke)
Websteed: www.schwerin.de

Swerin is de Landshööftstadt vun dat Bundsland Mekelnborg-Vörpommern, in den Noorden vun Düütschland. Mit ehr 96.329 Inwahners (1. Januar 2005) is se de lüttste Landshööftstadt in Düütschland.

Historie[ännern | Bornkood ännern]

Schwerin Castle Aerial View Island Luftbild Schweriner Schloss Insel See.jpg

De Stadt wörr 1012/18 dat eerste Maal nöömt. Se warrt to de Tiet Zuarina schreven un 1170 Zuerin, Zwerin. Dat kummt vun polabisch zvěŕ, Beest + Suffix (-in), zvěŕin Haag för wille Beester oder ok Gestüt. Villicht hett dat aver ok mit den slaavschen Gott Svarog to kriegen (Swarzyn - Svarog sien Oort). Düütsch worrn is de Oort 1160 ünner den Hertog vun de Welfen, Hinnerk de Lööw. Vun 1167 an seet in Swerin een Graaf, Gunzelin. 1358 is Gunzelin sien Familie utstorven un de Stadt güng an dat Hertogdom Meckelborg. Vun dat 15. Johrhunnert an bet 1918 leven in Swerin de Hertög vun Meckelborg-Swerin. Blots vun 1763 bet 1837 hebbt de Hertög in Ludwigslust seten. Swerin weer ok Seet vun en Amt, ut dat se 1935 den Landkreis Swerin maakt hebbt, den se bi de Kreisreform 1994 aver wedder oplööst hebbt. Sietdem is Swerin kreisfre’e Stadt. Na 1918 weer Swerin Hööftstadt vun den Freestaat Meckelborg-Swerin un na den Tweten Weltkrieg is de Stadt Sitt vun dat Land Meckelborg worrn, to dat denn al de Westdeel vun Pommern höör. Nadem se 1952 in de Düütsche Demokraatsche Republiek de Länner oplööst harrn, weer Swerin Bezirkshööftstadt vun den Bezirk Swerin. 1990 denn hebbt se Swerin to de Landshööftstadt vun dat Bundsland Mekelborg-Vörpommern maakt.

Laag[ännern | Bornkood ännern]

53° 38' N , 11° 25 'O
in't westlich Mekelborg-Vörpommern; söben Seen: Sweriner See, Heidensee, Teigelsee, Medeweger See, Lankower See, Osdörper See, Fauler See

Daten[ännern | Bornkood ännern]

Swerin hett 96.329 Inwahners (1. Januar 2005), dat maakt 738 Inwohners op den Quadratkilometer. Na 1972 hett Swerin sogaar över 100.000 Inwahners hatt, man nu is dat nich mehr so veel. Dat Auto-Kennteken is SN.

Industrie[ännern | Bornkood ännern]

Een Broeree un de Nahrungsmiddelindustrie sünd bannig wichtig för de Stadt Swerin.

Schlott vun Swerin

Attrakschonen[ännern | Bornkood ännern]

Weblenken[ännern | Bornkood ännern]

Commons-logo.svg Swerin. Mehr Biller, Videos oder Audiodateien to’t Thema gifft dat bi Wikimedia Commons.