Strandhecksters
| Strandhecksters, Liewen | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Haematopus | ||||||||||
| Bonaparte, 1838 |
De Strandhecksters oder Liewen (Haematopodidae, Haematopus) sünd en Familie mit man bloß een Geslecht un weert to de Tüütvagels (Charadriiformes) rekent. Dor höört alltohopen 12 Aarden mit to. Je na de Aart sünd de Strandhecksters swattbunt oder gant swatt. Freten doot se sunnerlich Weekdeerter un Ringelwörmer.
Kennteken
[ännern | Bornkood ännern]Strandhecksters sünd grote, stevige Stappvagels. Sess Aarden höört to de swattbunte Grupp to, fiev to de ganz Swatten, un bi een (de Neeseelannsche Strandheckster) gifft dat beides: swattbunte un swatte Vagels
Wo se vorkamen un leven doot
[ännern | Bornkood ännern]Weltwiet leevt de Strandhecksters an de Waterkant an’e See. Bloß man in de polaren Regionen fehlt se. In de westliche Paläarktis gifft dat hüdigendags bloß noch en Aart, dat is de euraas’sche Strandheckster. Fröher hett dat up de Kanaarschen Eilannen noch de Kanaren-Strandheckster geven. De keem bloß up düsse Inselgruppen vor un hett dor brott, man vun 1968 af an gellt se as utstorven. Dat gifft de wecken Aarden, de bröödt nich bloß an de Küst, man ok in’t Binnenland.
Wat se freten doot
[ännern | Bornkood ännern]An de Küsten reet se sunnerlich Weekdeerter un Wörmer. Bi de Strandhecksters in’t Binnenland weert sunnrlich Mettjen un Insektenlarven vertehrt.
Aarden
[ännern | Bornkood ännern]- Liewe (H. ostralegus), swattbunt, brott in Europa, Westsibirien un Oostasien, steiht in’n Winter ok in Afrika un Süüdasien.
- Mantelliewe (H. palliatus), swattbunt; Süüdamerika un süüdlich Noordamerika
- Wittfootliewe (H. leucopodus), swattbunt; Patagonien un Falklandinseln
- Austraalsche Strandheckster (H. longirostris), swattbunt; Australien, Tasmanien, Molukken
- Süüdinsel-Strandheckster (H. finschi), swattbunt; Süüdinsel vun Neeseeland, in’n Winter ok up de Noordinsel
- Chatham-Strandhecksters (H. chathamensis), swattbunt; Chatham-Inseln
- Neeseelannsche Strandheckster (H. unicolor), variabel; Neeseeland
- Kanaren-Strandheckster (H. meadewaldoi), swatt; Kanaarsche Inseln, utstorven
- Swatte Liewe (H. moquini), swatt; Namibia un Süüdafrika
- Sottliewe (H. fuliginosus), swatt; Australien, Tasmanien
- Klippenliewe (H. bachmani), swatt; noordamerikaansche Pazifikküst vun de Aleuten bit Baja California
- Süüdamerikaansche Strandheckster (H. ater), swatt; Küsten vun Peru, Chile un Argentinien
Kiek ok bi
[ännern | Bornkood ännern]- List vun Vagels, mit allerhand plattdüütsche Vagelnaams un Naams ut de Naberspraken
- Projekt: Deerternaams up Platt
Literatur
[ännern | Bornkood ännern]- Josep del Hoyo et al.: Handbook of the Birds of the World, Band 3 (Hoatzins to Auks). Lynx Edicions, 1996, ISBN 84-87334-20-2
