Steven Ray Swanson

Vun Wikipedia
(wiederwiest vun Steven Swanson)
Zur Navigation springen Zur Suche springen
Steven Ray Swanson, NASA-Foto

Steven Ray Swanson (* 3. Dezember 1960 in Syracuse, New York, USA) is en ehmalger US-amerikaansch Astronaut.

Utbillen[ännern | Bornkood ännern]

Upwussen is Swanson in Steamboat Springs (Colorado), wo he bit 1979 de High School besöcht hett. Ansluutend hett he in Boulder an de University of Colorado Technische Physik studeert. Nah sien Bachelordiplom hett he an de Florida Atlantic University dat Fack Informatik studeert un kreeg 1986 den Mastertitel.

Swanson hett dornah een Johr as Softwareingenieur bi de Kommunikatschonsfirma GTE (siet 2000 Verizon Wireless) in Arizona arbeit, bit he to de NASA wesseln dee. An dat Johnson Space Center (JSC) in Houston, (Texas), hett he sück tonächst um dat Shuttle Training Aircraft (STA) kümmt, dat den Astronauten as Övensfloogtüüch deent. Dat STA is mit en Bordcomputer utstatt, de dat erloovt, dat Floogverhollen vun en Ruumfähre bi den Lannensanfloog to simuleeren. Dorneben hett he aber ok sien Informatikstudium wieder maakt un kreeg 1998 sien Doktertitel an de Texas A&M University.

Astronautentätigkeit[ännern | Bornkood ännern]

As en vun 17 Missionsspezialisten wurr Swanson in‘n Juni 1998 vörstellt, nahdem he sück all twee Johr tovör ahn Spood bewurben harr. Ut insgesamt 2.618 Bewerbern, de den formalen Utwahlkriterien entspreekden deen, weern 101 Finalisten hervörgahn. De wurrn in’n Harvst 1997 in dat JSC to Tests, Gesprächen un medizinischen Ünnersöken inlaaden. Van de 101 Finalisiten bleeven 30 Lüüd över, de denn en tweejohrig Grundutbillen maken kunnen. Swanson wurr dornah in de Ruumstatschons- un de Robotikafdeelen insett.

STS-117[ännern | Bornkood ännern]

SIet dat Fröhjohr 2005 hett sück Swanson up sien eersten Ruumfloog vörbereit, de ünner de Beteeken STS-117 in‘n Juni 2007 stattfinnen dee. De Atlantis broch ünner de Leitung vun Kommandant Frederick Wilford Sturckow un Pilot Lee Joseph Archambault dat S3/S4-Element to de ISS. De beid Missionsspezialisten James Reilly un Danny Olivas hemm twee vun de veer Butenbordinsätze dörführt. Dorbi wurrn dat S3/S4-Baudeel an de Statschoon monteert, de Solarpaneele ut – un de tweet Flögel vun dat Solarmodul P6 infohren. De anner Arbeiten un Utstiegen wurrn vun Patrick Forrester un Steven Ray Swanson utführt. Buterdem weer an Bord ok noch Clay Anderson, de Sunita Williams up de ISS aflööst hett. Se weer denn up den Rückfloog mit an Bord. De Mission düer van’n 8. Juni bit 22. Juni 2007.

STS-119[ännern | Bornkood ännern]

In’n Oktober 2007 wurr he för de Mission STS-119 indeelt. Kommandant weer nu Lee Joseph Archambault un de Pilot Dominic Antonelli. Bi disse Space-Shuttle-Mission wurr dat letzt Solarzellenelement vun de ISS in't All brocht. De Mission düer van 15. März bit 26. März 2009. Neben Swanson weern Joseph Alaba, Richard Arnold, un John Phillips de restlichen Missionsspezialisten. Up den Henfloog weer ok de japaansch Ruumfohrer Kōichi Wakata mit an Bord, de up de ISS bleev, wiels Sandra Magnus up de Rücktour vun de ISS weer mitnommen wurr.

ISS-Langtietupenholt[ännern | Bornkood ännern]

An‘n 25. Juli 2011 wurr Swanson as Reserve-Bordingenieur för de ISS-Expeditschonen 37 un 38 indeelt, keem aber nich to’n Insatz. För de nächste Expeditschoon rück he denn in de Hööftmannschap up. De Start vun dat Ruumschipp Sojus TMA-12M ünner dat Kommando vun Alexander Alexandrowitsch Skworzow weer an’n 25. März 2014. De anner Bordingenieur bi disse Mission weer Oleg Germanowitsch Artemjew. De Kopplung an de ISS funn an’n 27. März statt un dormit twee Daag later as plaant.[1] Wiels de Expeditschoon 39 weer Swanson Bordingenieur. De Crew bestunn ut söss Lüüd (Skworzow und sien Lüüd as ok Kōichi Wakata, Michail Wladislawowitsch Tjurin un Richard Alan Mastracchio. Nah dat Afdocken vun Sojus TMA-11M an‘n 13. Mai 2014 (mit de dree toletzt nömmt Ruumfohrer) hett Swanson dat Kommando vun de ISS-Expeditschoon 40 övernommen. Dorto keemen denn af 29. Mai 2014 Maxim Wiktorowitsch Surajew, Gregory Reid Wiseman un Alexander Gerst, um de Expeditschoonsmannschap weer up söss Mann uptostocken.

An’n 11. September 2014 sünd Swanson, Skworzow un Artemjew nah 169 Daag un fief Stünnen weer torüchkehrt. An’n 30. August 2015 is he ut de NASA utscheeden.

Privates[ännern | Bornkood ännern]

Swanson is mit Mary Drake Young verheiraadt un hett dree Kinner.

Weblinks[ännern | Bornkood ännern]

Commons-logo.svg Steven Swanson. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Günther Glatzel: raumfahrer.net [1] Sojus-TMA 12M an ISS gekoppelt van 28. März 2014, afropen an’n 23. Juni 2019