Lee Joseph Archambault

Vun Wikipedia
Lee Joseph Archambault

Lee Joseph Archambault (* 25. August 1960 in Oak Park, Illinois) is en ehmalger US-amerikaansch Astronaut. Sien Ökelnaam is Bru.

He is verheiraat un hett dree Kinner. Bevör he bi de US-amerikaansch Luftwapen anfungen is, hett he noch twee Universitätsafslüss vun de Universität Illinois kregen.

STS 117[ännern | Bornkood ännern]

1998 is he vun de NASA as en Astronaut utsöcht wurrn. 2007 hett he sien eersten Ruumfloog mit dat Space-Shuttle STS-117 (Atlantis) makt. Disse twee Week düern Floog to de Internatschonale Ruumstatschoon ünner Kommandant Frederick Sturckow un hüm as Pilot düer van 8. Juni bit 22. Juni 2007. Hööftbruuklast vun de Atlantis weer dat S3/S4-Element. De beid Missionsspezialisten James Reilly un Danny Olivas hebbt twee vun de veer Butenbordinsätze dörführt. Dorbi wurrn dat S3/S4-Baudeel an de Statschoon monteert, de Solarpaneele ut – un de tweet Flögel vun dat Solarmodul P6 infohren. De anner Arbeiten un Utstiegen wurrn vun Patrick Forrester un Steven Swanson utführt. Buterdem weer an Bord ok noch Clay Anderson, de Sunita Williams up de ISS aflööst hett. Se weer denn up den Rückfloog mit an Bord.

STS-119[ännern | Bornkood ännern]

In' Oktober 2007 wurr Archambault as Kommandant vun de Weltraummission STS-119 indeelt. Bi disse Space-Shuttle-Mission wurr dat letzt Solarzellenelement vun de ISS in't All brocht. De Mission düer van 15. März bit 26. März 2009. Pilot bi disse Mission weer Dominic Antonelli. Missionsspezialisten weern Joseph Alaba, Richard Arnold, John Phillips und Steve Swanson. Up den Henfloog weer ok de japaansch Ruumfohrer Kōichi Wakata mit an Bord, de up de ISS bleev, wiels Sandra Magnus up de Rücktour vun de ISS weer mitnommen wurr.

Nah sien aktiv Loopbahn[ännern | Bornkood ännern]

2012 is he as Suldat utscheeden un 2013 hett he sien Loopbahn bi de NASA afslooten. He gung denn to de Sierra Nevada Corporation un arbeit dor as Systemingenieur un Testpilot n datm kommerziellen Ruumschipp Dream Chaser, dat in'n Rahmen van dat Commercial-Crew-Development-Programm van de NASA entwickelt wurrd.

Weblinks[ännern | Bornkood ännern]

Lee Archambault. Mehr Biller, Videos oder Audiodateien to’t Thema gifft dat bi Wikimedia Commons.