Soors

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Freenbeek Gemeen: Kutenhult
Inwahners:
Postleettall:	27449
Vörwahl:	04762
Geograafsche Laag:	53° 28′ N, 9° 18′ O

Soors (hoochdüütsch Sadersdorf) is en lütt Oort in de Gemeen Kutenhult in’n Landkreis Stood, Neddersassen. Dat Dörp liggt an’n Beek Otter, de twüschen Soors un Kutenhult sien Born hett un in de Oost flütt.

Geografie

De Naveröörd sünd Mulsen in’n Noorden, Kutenhult in’n Noordoosten, Aasp in’n Oosten, Bredenbeek, Baast un Farm in’n Süüdoosten, Byhusen in’n Süüdwesten, Heesdörp un Hemelingbossel in’n Westen un Eßel in’n Noordwesten.

Historie

Soors is en jungen Oort un eerst na 1791 grünnt worrn.

Vör 1852 weer dat Dörp in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

Soors is an’n 1. Januar 1929 mit de Gemeen Kutenhult tohoopleggt worrn.

Inwahnertall

Johr	Inwahners
1824-00-001824	8 Füürsteden
1871-12-011. Dezember 1871	35 Lüüd, 8 Hüüs
1910-12-011. Dezember 1910	44

Religion

Soors is evangeelsch-luthersch präägt un höört siet 1822 bi’t Kaspel Mulsen.

Infrastruktur

Verkehr

Soors liggt an de Kreisstraten K 42 un K 43. De K 43 löppt na Süüdoosten, warrt in’n Landkreis Rodenborg to de K 109 un löppt na Baast un Farm. De K 42 löppt in’n Noordoosten na Kutenhult an de Landsstraat 123 un warrt in’n Süüdwesten in’n Landkreis Rodenborg to de K 108 un geiht na Byhusen un Malst.

De L 123 löppt in’n Westen över Heesdörp na Bremervöör an de Bundsstraat 71 un in’n Oosten över Bargst an Harsfeld langs na Horborg an de B 73 ran.