Slott Le Plessis-Bourré

Slott Le Plessis-Bourré – Togangssiet mit Ingangsbau

Slott Le Plessis-Bourré - Festung mit Steenbrügg över den Waterschloot

Slott Le Plessis-Bourré – Rücksiedig Front vun den Hööftflögel mit Donjon

Dat Slott Le Plessis-Bourré befind sück dicht bi de franzöösch Oortschap Écuillé, 15 km nördlich vun de Stadt Angers, in dat Département Maine-et-Loire. De feudale Wahnstätte wurr in dat utgahn Middelöller binnerhalv vun fiev Johr fardigstellt un is siet dem meest nich mehr verännert wurrn.

Festung vun dat Laatmiddelöller

De Bauherr weer Jean Bourré, de to de Tiet as Geheimer Rat un Schatzmeester ünner Ludwig XI. deen un ok noch ünner Karl VIII. un Ludwig XII. bit to sien Dood 1506 Sekretär vun de Finanzen weer. He harr all van 1465 bit 1467 Slott Langeais errichten laaten. 1462 hett he dat Lehnsgoot Plessis-le-Vent in' Anjou, de Region vun sien Herkunft, köfft un fung 1468 mit sien eegen Wahnsitt an. Dank vun sien Riekdom gungen de Bauarbeiten good vöran, so dat he all 1473 intrecken kunn.

Vun buten sütt dat Slott ut as en Festung. Dat up rechteckig Grundreet veerflögelig mit rund Ecktoorns upricht Bowark is vun en breetflachig Schlootveereck umgeven. De starkste un mit 44 Metern hööchst Toorn is de Donjon, de sien Gestaltung mit Wehrgang un torüchspringen Bövergeschoss sück an de Toorns vun Slott Langeais anlehnt. En dree Meter breet Plattform rund um dat Slott deen in' Verteidigungsfall för dat Upstellen vun de Artillerie.

Feudale Wahnstätte

Vun dat Wertschapshoff ut dat 17. Johrhunnert führt en 43 Meter lang Steenbrügg över den Waterschloot to den Ingangsbau vun dat Slott, de mit en düppelt Toogbrügg un dör Peeknösen sekert is. Ingangsflögel un Siedenflögel wurrn in de Hööcht minneseert, so dat de dreegeschossige rückwärtige Deel as Hööftflögel domineert. Lukarnen un polygonale Trapptoorns setten tosätzliche Akzente. De Fru vun Jean Bourre, Marguerite de Feschal, sall an de Inrichten un Utsmücken vun Plessis aktiv bedeeligt ween hemm.

Binne steekt vör allen de Groot Salon vun Ludwig XV. herut, de sien fiensnitzt Wandtäfelung mit Blütenmotiven smückt is. De Parlamentsaal mit sein oorsprünglich Footboddenverplattung, de as Spiessaal för fierlich Anlaaten deen, wurr vun en flach Rippengewölbe överrspannt; Hööftutstaattensstück is sien mächtig Kamin.

Bedüüdenst Ruum vun dat Slott is aber de Gardensaal in de eerst Etage mit en in Frankriek eenzigoordig bemalt holten Deck. 24 beidersiets vun den Middelbalken anordnt Billerfelder enthollen Deertendorstellungen mit bestimmtem symbolischen Sinn as ok figürliche Dorstellungen tosommen mit Spreekwöör, satirischen Texte as ok lustig un gewagt Verse.

Literatur

• Wilfried Hansmann: Das Tal der Loire. Schlösser, Kirchen und Städte im «Garten Frankreichs». 2. Uplaag. DuMont, Köln 2000, ISBN 3-7701-3555-5, S. 217
• Vörlaag:BibISBN
• Schlösser und Städte der Loire. Verlag Valoire-Estel, Florenz 2006, ISBN 88-476-1863-0, S. 154.

Weblenken

Slott Le Plessis-Bourré. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun dat Slott Le Plessis-Bourré (franzöösch)