Anjou
Anjou is de Naam vun en Graafschup (vun ca. 880 af an), en Hartogdom (1360) un en Provinz vun Frankriek. Ehr Zentrum liggt bi de Stadt Angers in dat ünnere Daal vun de Loire. Anjou is 8.975 km² groot. Hüdigendags fallt de Grenzen vun Anjou tämlich akraat övereen mit dat Département Maine-et-Loire.
In de Antike leven in Anjou de Andegaven, wat en Stamm vun de Galliers weer. De Römers hefft dat Land innahmen un de Stadt Andegavum (Angers) grünnt.