Sleswig

Wapen/Flagg

Koort

Basisdaten

Kreis Sleswig-Flensborg

Flach:

24,3 km²

Inwahners:

25.904

Inwahnerdicht:

1.066 Inwahners pro km²

Postleettall:

24837

Vörwahl:

04621

Geograafsche Laag:

Koordinaten:54° 31′ N, 9° 34′ O54° 31′ N, 9° 34′ O

Grenzen bi OSM:

904512

Gemeenslötel:

01059075

Börgermeester:

Heinz Bartheidel, Thorsten Dahl, Bodo Richter, Hermann Clausen, Helmut Lemke, Wilhelm Brückner, Julius Heiberg

Websteed:

https://www.schleswig.de

Sleswig oder Sleeswi(g) (hoochdüütsch Schleswig, däänsch Slesvig, noordfreesch: Slaswik ^(mo.) ) is en Stadt in’n düütsch Bundsland Sleswig-Holsteen.

Sleswig is een vun’d gröttsten Städer in’n Kreis Sleswig-Flensborg. In 2002 hett Sleswig 24.466 Inwohners harrt. Een Attrakschoon bi Sleswig is de olle Siedlung Haithabu (Haddeby). Normannen hebbt Haithabu upboot. Later waar dat een vun de wichtigste Kultur-, Finanz- un Hannelszentren in de Region.

Geografie

Geograafsche Laag

Dat Stadtrebeed vun Sleswig liggt an’t westliche Enn vun de Slie, de wiet in dat Binnenland rinreckt. Dat Stadtrebeed liggt westlich vun de Lütte Breed un op grote Delen op dat Noordöver vun den Oostsee-Seearm in’n Övergangsrebeet twischen dat Sleswig-Holsteensch Högelland un de Sleswigsche Geest.

Stadtdelen

Sleswig is in verschedene inoffitschielle Stadtdelen opdeelt:

de Oolstadt mit den Sankt-Petri-Doom un dat Raathuus
de Holm (däänsch: Holmen) mit sien lütten Fischerhüüs an de Schlei un dat Sankt-Johannis-Klooster
de Lollfoot (Lolfod) mit dat Amtsgericht
de Hesterbarg (Hestebjerg) noordwestlich vun den Lollfoot
de Höhnerhüüs (Hønsehuse)^[1] noordlich vun den Hesterbarg
de Friesbarg (Frederiksberg) mit de Adelspalaise, dat Oberlandesgericht un dat hoogste Wahnhuus vun de Stadt, den 90 Meter hohen un 27 Etagen hogen Wikingtoorn
de Neestadt mit Scslot Gottorp, den Borgsee un den barocken Förstengoorn
Sankt Jürgen (Sankt Jørgen) mit dat Gewerverebeet vun de Stadt
Op de Frieheit (Friheden) mit moderne Bauten in’n Bauhausstil, klassische Hüüs mit Sattdack un Swimmhüüs
Klappschau (Klapskov)
Sleswig-Noord mit dat hoogste Bauwark vun de Stadt, den 139 Meter hohen Feernmelltorm Schliekieker, un dat noordliche Gewerverebeet

Nabergemenen

Direkt an dat Stadtgebiet grenst de Rebeden vun de Gemenen Nübel in de Noorden, Schaalby in’n Oosten, Fahrdörp in de Süüdoosten|, Busdörp in de Süden, Dännwark in de Süüdwesten, Schuby un Hüsby in de Westen un Nieberend unLürschau

Natur un Landschop

Noordwestlich vun de Stadt streckt sik de Waldrebeden Tiergoorn un Pöhler Hagen. In’n noordlichen Deel vun de Stadt liggt de Brautsee. To dat Stadtrebeet höört ok de midden in’t Möweninsel (däänsch: Mågeøen), amtlich Möwenbarg in der Slie.

Geologie

Dat Stadtrebeet ümfaat Hööchdenlagen twischen 0 un Vörlaag:Höhe. Bloots de Mülldeponie an’n noordlichen Rand vun de Statdrebeet wiest noch hogere Lagen bit 62 Meter rop.

Klima

Dat Klima is fucht, matigt un vun’t Seeklima präägt. De Johresmiddeltemperatuur bedregt 8 °C, de Johresnedderslag 814 mm.

Historie

Sleswig wurr 804 eerstmals as Sliasthorp in en Schriftstück upführt un kunn in dat Johr 2004 sien 1200-johrig Jubiläum fiern. De Endung thorp verwiest dorup, dat sück dat dormals um en Nebensiedlung hannelt hett.

Footnoten

↑ Johannes von Schröder: Topographie des Herzogthums Schleswig. 2. Oplaag. Oldenburg (Holstein) 1854, S. 242.

Gemenen un Städer in den Kreis Sleswig-Flensborg

[1] Johannes von Schröder: Topographie des Herzogthums Schleswig. 2. Oplaag. Oldenburg (Holstein) 1854, S. 242.

[1]