Sinai (Barg)

Vun Wikipedia
Sinai
Pilgertog un Topp von’n Sinai
Pilgertog un Topp von’n Sinai
Pilgertog un Topp von’n Sinai
Barggrupp: Sinai-Bargen
Hööchd: 2.285 m över de See
Prominenz: 332 m
Land: Ägypten
Laag: Sinai-Halvinsel
Kuntinent: Afrika
Koordinaten:
Koordinaten:28° 32′ N, 33° 58′ O
28° 32′ N, 33° 58′ O
Sinai
Laag vun Sinai in Ägypten
Topp von’n Barg
Katharinenklooster an’n Sinai

De Barg Sinai (araabsch: جبل موسَى Gabal Mūsā, „Mosesbarg“, ok araabsch: جبل سيناء Gabal Sīnā', hebrääsch: הר סיני Har Sinai‎) is en Barg von de Sinai-Bargen in dat Gouvernement Süüd-Sinai op de Sinai-Halvinsel in Ägypten. De Barg höört to de Weltkulturarv-Steed von dat Katharinenklooster.

He warrt faken as identisch mit’n Barg Sinai ut de Bibel ansehn, ok wenn dat dor keen Bewies för gifft. In de Bibel weer de Barg Sinai de Oort, an den Moses de Teihn Gebote von Godd kregen hett. Dat maakt em to en hillige Steed för de Abrahamitschen Religionen (ünner annern Jodendom, Christendom un Islam). En annern Barg, de mit’n Barg Sinai ut de Bibel identifizeert warrt, is de Barg Serbal.

Dat is nich de höögste Barg in de Ümgegend. De höögste Barg is de Katharinenbarg, de en poor Kilometer in’n Süüdwesten liggt.

An’n Foot von’n Barg liggt de Oort St. Katrine un op en Höögd von 1585 m dat Katharinenklooster. Bet dorhen föhrt ok en Straat. De Rest von’n Weg bet to’n Topp mutt to Foot gahn warrn oder op en Kameel.

Op’n Topp steiht en Moschee ut dat 12. Johrhunnert un en greeksch-orthodoxe Kapell, de 1934 boot worrn is. De Kapell is Moses un de Hillige Dreefaltigkeit wieht un steiht an de Steed von en Basilika, de twüschen 548 un 565 in de Tied von Kaiser Justinian I. boot worrn is.

Geologie[ännern | Bornkood ännern]

Dat Gesteen von’n Sinai hett sik tohoop mit Araabsch-Nubischen Schild billt.

Weblenken[ännern | Bornkood ännern]

Sinai (Barg). Mehr Biller, Videos oder Audiodateien to’t Thema gifft dat bi Wikimedia Commons.